歐錦棠憶拍《烈火雄心II》與元華險冇命：成個身出晒煙咁大火

更新時間：19:51 2022-09-13
發佈時間：19:51 2022-09-13

歐錦棠近年經營個人YouTube頻道《乜乜棠水舖》，近日他拍片分享昔日拍劇飾演消防員的辛酸史，並指這些拍攝經歷令他更尊重消防員這份職業。

歐錦棠入行至今三度演消防員，三部劇集分別為：亞視《烈火雄風》、無綫《烈火雄心II》及港台《火速救兵IV》。由於近日狂風暴雨時有市民打山不幸被雷擊中而喪命，令歐錦棠憶起拍攝《烈火雄心II》時，到馬鞍山一個行內人稱為「天外天」的地方拍攝拯救場面，拍到一半卻下大雨兼閃電，在空地上非常危險，「遠處有閃電劈中對面座山，好驚！我哋冇嘢擋。有把大嘅太陽遮，我哋走入去避雨，最後都唔得，都係要走。因為危險，嗰把遮金屬做，觸電點算？同埋落大雨……濕人唔可以濕機（攝影機）。」由於攝影機不可弄濕，演員須讓出避雨的位置給攝影機。

歐錦棠更分享拍《烈火雄心II》時，與元華須衝過一個火堆，本來消防員的衣服可撐幾分鐘，但由於二人沒有做消防員的經驗，於是「懶醒」將水預先淋在身上，以為衝入火堆時會更安全，豈料衣服上的水因火的高溫而變為蒸氣。歐錦棠表示：「我哋兩個衝完過去，兩個喺度大叫『呀』，即刻除晒啲裝備。啲工作人員睇到我同華哥，身上啲水變晒蒸氣，耐啲就真係熟。」

另一次歐錦棠拍攝氣爆場面，汲取了之前經驗，非常謹慎地穿身上的消防衣，「我哋喺面罩入面，一定有個頭套戴到去頸，要包得好好，一條縫隙都不可有，因為有氣爆的地方，有空氣啲火就有位入。有同事就係漏咗條縫隙，都燒燶咗條頸。」歐錦棠表示因為有拍攝消防員相關劇集的經驗，令他更尊重消防員，又呼籲市民應該體諒拯救人員，不要再狂風暴雨去行山。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ