鄺文珣現身細細粒直播淡出後誕三子47歲仲有少女味

更新時間：17:17 2022-09-22
發佈時間：17:17 2022-09-22

47歲的鄺文珣於2006年嫁商人應德榮後淡出演藝圈，婚後誕下3個仔女，專心相夫教子。早前她開始進佔抖音，原來她已簽約王祖藍，低調復出。同樣近年到內地搵食的陳嘉佳（細細粒），也有拍片在抖音分享，她更搵來鄺文珣出鏡，拍了兩條片，大玩穿越劇情。片中的鄺文珣凍齡有術，跟24年前在《鹿鼎記》時零分別，依家省鏡。

【點擊睇鄺文珣近照】：

細細粒一見鄺文珣，即以對方1998年劇集《鹿鼎記》問：「你是《鹿鼎記》小郡主沐劍屏？」鄺文珣就以對方的成名作《老表，你好嘢！》回應，二人相認後，就蹺住手臂話好開心：「做人呢，最重要的是開心。」細細粒還打上「成功帶偏《鹿鼎記》小郡主」。

另一條片見到鄺文珣一個人坐在茶餐廳飲凍檸茶，細細粒扮偶遇，一個箭步坐低，然後模仿《鹿鼎記》中陳小春飾演的韋小寶搭枱一幕，更請鄺文珣食嘢，不過她就食到面有難色。細細粒之後開始帶貨宣傳般，拎出一大箱鮑參翅肚逐樣講，鄺文珣由接近反眼反應，到最後被細細粒的講解吸引，全程交足戲。

【其他文章】：

羅家英舊片出土爆汪明荃女追男甜笑重提：攬住錫咗我一啖

陳茵媺王祖藍帶仔女去迪士尼無辜遭網民批評：唔識教仔

一文睇晒陳煒入行26年外型變化三點式超深DeepV震撼眼球仿梅姐最經典

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ