獨家丨林景程棄高薪厚職老竇用棺材本助置業 唔急做主角冇人睇仲衰
更新時間：07:00 2022-11-12
發佈時間：07:00 2022-11-12
發佈時間：07:00 2022-11-12
字體大小
TVB台慶劇《下流上車族》叫好叫座，連飾演「要狗唔要媽」，扔低「阿媽」鮑起靜獨住公屋的林景程亦人氣急升，尤其見到鮑姐以視像，用日文向「老婆」讀道歉信嗰幕，林景程激動到眼有淚光，七情上面，網民激讚他演技，希望TVB多給機會。而現實中的景程坦言為咗演戲，對父親亦相當內疚。採訪：方騫平 攝影：朱偉彥
昨晚《下流》播結局篇，林景程形容結局大逆轉，同初稿講他會返港，用親生仔名義爭返間公屋好唔同：「最終版本對家寶及媽媽冇咁殘忍，算係對角色公平啲，有個舒服局面啦。」首次跟鮑姐合作，景程既驚又喜，拍前準備晒唔同後備方案，好彩鮑姐好Nice，又演得有感染力，即使做少啲觀眾都睇得出佢係演衰仔。
戲外嘅林景程跟鮑姐相處融洽。
林景程呢幕戲賺人熱淚，網民激讚戲好。
《下流》播結局篇，林景程形容結局大逆轉。
林景程演得入戲似足一個衰仔。
為演戲爭屋企人好多嘢
問到有冇信心「升呢」拎「男配」？他秒答冇，「近年我學會，唔可以代表角色拒絕拎獎，咁樣會對角色唔公平。」他坦白講現階段甘心做配角，因為觀眾冇興趣睇他孭飛的劇，做主角只會整死自己。
林景程完成香港理工大學物理治療系榮譽理學士學位，坦言全職做物理治療師不愁生活，亦不用辛苦兼顧埋做兼職物理治療師：「所以老婆早期都有詐我型，試過直踩40小時會發悔氣，太太反而會提返我『你興趣嚟…你自己揀㗎！』」現實中的景程獲老爸資助置業，他不好意思說：「如果我做全職物理治療師就可以解決到好多問題，𠵱家係爸爸用棺材本嚟幫我上會，算係另類不孝，雖然我有還本畀佢，但冇畀息，總之為咗演戲，我爭屋企人好多嘢啦。」
林景程同林正鋒係兩表兄弟。
為追夢放棄高薪厚職好彩得太太體諒肯一齊捱。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最Hit
74歲譚詠麟患病憔悴拍片交代病情！食藥休息都冇好轉 宣布取消原定工作
2024-11-24 19:30
57歲鄭伊健突然「做老竇」？抱B照流出：爸爸給妳的不多 曾稱與蒙嘉慧有共識不生育
2024-11-24 20:30
年近60歲卻似30歲！爆肌攝影師常吃5食物 逆齡餐單大公開 早餐必吃雞蛋？
2024-11-24 13:22
