Yumi鍾柔美自認不擅運動純粹參與 隔空叫姚焯菲唔好太掛住自己
發佈時間：17:50 2023-02-11
鍾柔美（Yumi）與張馳豪（Aska）今日到旺角出席活動，期間與一眾學生玩遊戲，Aska表示一向很喜歡做運動，自己最叻的是籃球，以前亦有參加校隊，不過已停止，因現在已很少機會打。問到以前在學內是否風頭躉？他尷尬地笑說：「唔覺，冇留意，淨係覺得成Team人一齊運動好熱血。」至於Yumi則指今日到場後想起學校之後有陸運會，而自己今年亦是最後一屆參與，所以也報名玩標槍及短跑等運動，但她就笑指自己對運動不擅長，只是純粹與朋友一起參加：「始終係最後一年想留啲回憶，不過我最叻都係跳舞。」問到Yumi是否有參加啦啦隊？她故作神秘地說：「唔話俾你哋知，可能有，不過我哋唔係着短裙，係着長褲。（運動會會唔會做啦啦隊跳舞？）都會跳。」
【點擊睇活動盛況】：
提到姚焯菲（Chantel ）到紐西蘭留學後，在宿舍中放有《聲夢》學員大合照，Aska表示只知道Chantel最近不舒服：「叫佢唔好太掛住我哋，不過都明白去到新嘅地方要重新熟悉，對女仔來講唔係容易嘅事，希望佢快啲返嚟。」而Yumi則指在Chantel離開香港前有叫她保重，她了解Chantel 去到外國後很多事情要忙，而且對方開始返學，所以不想打擾她：「佢都要識唔同嘅朋友，雖然我唔知道佢去到嗰邊會係點，但我相信都係好難同埋要時間適應。」雖然Yumi表示不知道Chantel 何時回港，但她表示如果After Class 要錄新歌，也會等她回來之後一起錄。
【其他文章】：
呂慧儀18年前Show Girl照曝光勁青春！ 網民激讚身材Fit爆但塊面起角
王貽興轉行教紫微斗數兩堂收逾2千元 玄學角度分析《給十九歲的我》爭議
20歲童星陳子樂已經中學畢業！ 讀喇沙變成熟穩重 《致命復活》演自閉最經典
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
