姜濤打賭贏咗媽媽心花怒放好勝露額機場高舉V字手勢

更新時間：00:51 2023-04-14
發佈時間：00:51 2023-04-14

「人氣王」姜濤日前應品牌邀請到新加坡出席活動，此行更帶同姜媽和姨媽快閃旅行，晚上坐機返港。昨晚10時12分，姜濤在經理人陪同下在特別通道步出，但未見姜媽和家人同行，一身黑衣打扮的姜濤，保持肥嘟嘟兼脹卜卜嘅直筒身形，見他束起前額頭髮，罕有露額現身，姜濤邊行邊笑住舉起勝利手勢，開心到爆，雙眼都變成「腰果眼」。

親民舉動惹姜糖尖叫

行到車門前姜濤又停住向「姜糖」及傳媒揮手，表現突變精靈，直至經理人上前提醒他將前額頭髮放返下來，他才整返好啲頭髮及影相。之後他走上前接收姜糖禮物，引得粉絲尖叫，親民舉動成功挽回唔少人氣。

姜濤事後在社交網更新，透露紮起頭髮的原因是和媽媽打賭，因為贏咗，所以好開心，他留言：「跟媽媽打賭，她說你敢綁辮子走出去嗎？我贏了。」

《星島頭條》APP經已推出最新版本，請立即更新，瀏覽更精彩內容：http://www.stheadline.com/