獨家丨龔嘉欣做生意緊要冇時間拍拖 40歲前建立飲食王國
更新時間：07:00 2023-07-28
發佈時間：07:00 2023-07-28
發佈時間：07:00 2023-07-28
字體大小
龔嘉欣在劇集《靈戲逼人》跟張振朗有一段人鬼戀，輕鬆搞笑令觀眾好受落。另外，下月將再榮升老闆娘的她，跟日籍甜品師松岡哲也的關係似乎已降級，她強調事業行先，更計劃在飲食界大展拳腳，將感情事放埋一邊。採訪：杜杜 攝影：朱偉彥 髮型:Sue Cheung 化妝:Henry Li 場地:Glasshouse Greenery (Victoria Dockside K11 Musea)
對於《靈戲逼人》被指跟多部影視作品撞名或撞概念，嘉欣就有另一種睇法，「反而有觀眾同我講覺得係進化版，以往《大鬧廣昌隆》有把遮，𠵱家就先進啲入去電子水錶，畀佢哋諗到呢樣嘢幾好呀，相信以後講起鬼戲，會有呢套份！」
《靈戲逼人》中，嘉欣和張振朗的人鬼戀，搞笑又浪漫。
嘉欣笑言仍未習慣被叫老闆娘，覺得稱呼嘉欣會更順耳。
拍劇生意兩邊兼顧
嘉欣開完餅店後，下月將跟飲食集團合作，在尖沙咀大型商場開7千呎餐廳，問到有否問日籍甜品師新歡意見，她即說，「唔關佢事，我不嬲都有做開生意仔，就係做咗咁多年演員，其他嘢好似唔識，好希望學多啲嘢，趁有時間就盡量學。」不過她強調依然愛演戲，唔會放棄演藝工作，「兩邊一齊做，順住行就得。」
新年時嘉欣帶同松岡哲也，出席好姐妹陳凱琳等友人飯局，戀情曝光。
年初失落視后寶座的嘉欣，認為獎項對她好大鼓勵，但冇獎亦不會太失望。
今年2月，嘉欣接受本報訪問時坦認跟松岡哲也了解中，還直言：「33歲係適婚年紀有拖拍好正常」，相隔不足半年再提到男方，她答得相當保守，「好難樣樣嘢都想要，以我嘅能力不能分到身同心去做，既然有咁好嘅timing做生意，我會衝咗事業先。」全力做老闆的她，除了下月開業的新店，還有成盤飲食業大計，「今年開住一、兩間先，下月嗰間主打中、日菜式，仲會賣埋蛋糕，另外再開嗰啲餐廳，就未諗好形式。」想40歲前建立飲食王國的嘉欣，仲有7年時間，睇嚟有排都冇時間拍拖。
嘉欣下月將再跟陳豪合作《企業強人》，戲中她首次挑戰女強人角色。
33歲的嘉欣喜歡小朋友，但不急於做媽咪，亦不會考慮雪卵。
《星島頭條》新網站有更多精彩內容：http://www.stheadline.com/
最Hit
