《掃毒3》上天下海連場激戰有睇頭郭富城讚劉青雲揸飛機媲美湯告魯斯

更新時間：22:50 2023-07-28
發佈時間：22:50 2023-07-28

由三大影帝古天樂（古仔）、劉青雲、郭富城（城城）主演電影《掃毒3：人在天涯》已經上映，3人分別飾演警察、大毒梟及警察臥底。古天樂和郭富城在戲中有連場對打場面，兩人有拍動作戲經驗，均表示今次拍攝並不辛苦，城城表示：「古仔好硬淨又好力，我就敏捷，就要閃開佢囉！不過碰撞難免，其實係好痛，拍戲係咁啦！」

【點擊睇《掃毒3：人在天涯》訪問】：

城城除了有動作戲，還有潛水場面，他有潛水牌，但有一段長時間沒有潛水也會擔心有危險。城城說：「呢一幕有濕水同乾水，導演叫我唔使擔心，落水戲無大問題，原來返到廠仲辛苦過拍落真水，因為要吊威也，又要孭住幾十磅的氧氣筒。」劉青雲透露該片在雲南山區取景拍攝，當地每隔一、兩小時會下雨，泥路變成好濕滑，若不小心就會跣落山。城城則謂有時會被泥沼「啜住腳」，搞到不停NG再拍過。

毒梟上身夠入戲

與古仔合作無間的劉青雲，大讚對方好打得，尤其今次古仔和城城的對打戲有睇頭。他說：「一個好有力，一個就敏捷。」雖然三人拍過不少動作戲，但古仔指拍功夫同「爛仔交」的拍攝手法不同，要視乎該場打鬥場面拍幾耐，但曾經試過連續十幾日拍打鬥戲，拍攝前一定要進行排練。而城城自爆最怕火，因為火難以控制，火舌彈出來的方向隨時會變，風力也會影響火的方向。首次飾演臥底的城城，坦言接到劇本時已很期待，大爆戲中飾演反派大毒梟的劉青雲，在鏡頭後也跟他們說：「你哋捉唔到我㗎！我一定有辦法走得甩。」城城又大讚要駕駛飛機的劉青雲好勁，技術跟湯告魯斯差不多。
文：鄺芷瑩
圖：譚志光