薛影儀熟女懷春赴台聽小豬唱情歌着純情白裙仔飄逸現身

更新時間：07:00 2023-08-05
發佈時間：07:00 2023-08-05

已由「亞視一姐」變身成為「亞洲心動娛樂一姐」嘅薛影儀，日前在社交平台公開係「戀愛中」狀態，卻被《星島頭條》獨家踼爆阿儀原來只係單戀公司靚仔高層。雖然春心蕩漾嘅阿儀一度向《星島頭條》記者承認愛上高層，但為怕被公司鬧爆，只能敢愛而不敢認，好快就改口風澄清只係單戀自己一位朋友，今日仲拍片訛稱唔係公司人，着大家唔好咁八卦。

網民懷疑小豬係單戀對象

阿儀「戀愛」令一班「影子」（fans)心碎，連日來網民不斷追尋阿儀單戀對象，上周阿儀隨公司主席賴彩雲到台灣工作，還拉隊捧羅志祥（小豬）台北演唱會，無獨有遇，阿儀幾日後就公開「出Pool」宣言，故騷後嘅大合照都成為熱話，有網民留言「小豬食咗阿儀隻豬」、「阿儀要好好保護自己」...當晚經理人林寶玉視覺，影到身穿上純情白連身紗裙嘅阿儀，散發住少女心，木無表情，但仍投入地聽小豬大唱情歌。

除了睇騷，阿儀亦為AMM舉辦的選秀節目（香港區）做評審，評價係「OK嘅」，對參賽者要求頗高絕不鬆手。而該節目還有羅志祥師兄金志遙做導師。另外，阿儀還以師姐身份到錄音室探班，為女團《心動女孩》排練打氣，見她們用廣東話唱出經典金曲《喜歡你》，發音咬字都尚算清楚，滿意師妹們的表現。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ