龔嘉欣與日籍緋聞男友首合體為新店將結婚生仔計劃延遲

更新時間：11:10 2023-08-23
發佈時間：11:10 2023-08-23

龔嘉欣（Katy）有份投資多元化概念餐廳「KEW+」昨晚在尖沙咀開幕，其好姊妹陳凱琳（Grace）、譚凱琪（Zoie）及飲食集團創意總監黎諾懿及其太太亦有出席，Y龔嘉欣的日籍緋聞男友松岡哲也亦有現身，龔嘉欣更感激對方與她一起設計蛋糕。

【點擊睇概念餐廳開幕】：

受訪時，龔嘉欣坦言覺得今次開店壓力很大，很多事情也要慳住使，問到投資了多少？她就拒絕透露，但表示可以買到樓，而她又指在9月和10月希望再開2間分店，龔嘉欣說：「做生意唔係咁易，要自己落手落腳去做，不過就有成個集團支持我，大家一齊投資。」提到緋聞男友，龔嘉欣指是首次與對方一起出來跟大家見面，又指對方也有合資，龔嘉欣指兩人今次是裡應外合：「我主要做管理，佢主要做出品。（會有拗撬？）唯一拗撬係因為大家要求高，想件事做得好，因為大家都係執著嘅人。」

龔嘉欣被封「Cup cake姐姐」

不過當再追問兩人鬧交時誰會先𠱁回對方，龔嘉欣即時大叫救命向身旁的陳凱琳及譚凱琪求救，而陳凱琳亦醒目地扯開話題，指自己平常5點後很少外出，外出時大仔Rafael亦有問她去哪，當得知媽媽去找龔嘉欣後就即時叫她回來時帶蛋糕，而譚凱琪亦笑言女兒的第一個蛋糕是龔嘉欣送給她，之後女兒就封了龔嘉欣做「Cup cake姐姐」，兩人更笑指只要仔女知道自己約龔嘉欣後都會准許她們外出。

問到三人是否有打算一起做生意？陳凱琳就表示有，覺得可以做適合小朋友吃的甜品和食物，至於會否讓龔嘉欣男友加入？龔嘉欣聽後即再次強調對方只是生意拍檔。陳凱琳又則指做生意要全程投入，現時湊3名小朋友是人生最忙的工作，如果要做也要等他們長大後才做。另外，問到龔嘉欣現時做生意，會否因此將結婚生仔的計劃延遲，她說：「見到Grace同Zoie照顧小朋友，睇到佢哋擺咗幾多心機之後，我就覺得自已仲未ready，我好鍾意小朋友，而家暫時做住佢哋嘅保姆先，好OK！」問到「少婦聯盟」中的沈卓盈為何不來，龔嘉欣就沒有正面回答，只謂「少婦」其實有很多人。

以飲食集團創意總監身份現身

另一方面，黎諾懿以飲食集團創意總監身份，並與有份投資的龔嘉欣一起進行剪綵儀式，黎諾懿透露自己在集團中投資了8位數，不過他就形容自己是高級打雜，負責為集團旗下餐廳設計餐單與發展，但就不會干預龔嘉欣主理的蛋糕品牌生意，但就會協助對方開分店，至於黎太李潔瑩就表示自己平常只負責試食和給予意見及精神上支持，又大讚老公設計菜單100分。黎諾懿指自己現時會在監製、演員、餐廳生意一起兼顧，因為目的也是一樣，也是想令人開心，自己目前三樣事情也可以兼顧。

黎諾懿透露集團現時已經有超過30間餐廳，亦計劃今年內再開多20間餐廳，問到是否想朝着飲食王國方向發展？他坦言是：「喺演員背後好想有一個生意係屬於自己家族，可能有一日阿仔大個之後有啲嘢可以接手，當然佢大個咗揀唔揀係佢嘅自由，但等佢大個可以有多啲選擇。」