193笑晒口跟觀眾打成一片 ERROR合體出席電影謝票催谷票房

更新時間：16:45 2023-08-28
發佈時間：16:45 2023-08-28

由ERROR成員何啟華（阿Dee)、梁業（肥仔）、吳保錡、郭嘉駿（193）主演的電影《陰目偵信》上映以來票房麻麻，193更一度因為受到訊息騷擾揚言不出席謝票。不過最近193已歸隊加入謝票行列，之前更低調突襲戲院謝票，令票房有上升超過300萬。昨日4子首度合體與有份演出的郭思、導演梁國輝到戲院謝票，當中有問答環節，與觀眾互動交流分享拍攝趣事。有女觀眾表示以為是鬼片，故一直不敢睇，當入場收看發現並非鬼片，亦觀眾話不明白為何票房差，亦會繼續入場同介紹朋友睇。193笑說：「我哋同你一樣唔預計到票房咁樣。」

當有觀眾問到哪位演員NG最多，保錡踢爆是郭思，不過郭思笑指導演的答案應該是保錡，在場的導演梁國輝笑謂：「郭思都有，保錡都有嘅，不相伯仲。」而193被問到戲中的他為何經常食波板糖？他解釋是角色設定，未開拍前在家中也經常食珍寶珠，當入片場想令自己投入角色似個細路仔。談到若然可選擇角色會想演哪位，郭思笑言想扮演193的角色Patrick，雖然是男人也覺無所謂。她說：「因為Patrick未展現超能力「時空轉移」，我覺得呢樣嘢好正！如果做Pauline（垃圾婆）都ok嘅，可以鬧阿Dee！」保錡即問：「原來你想鬧阿Dee？」郭思聞言說其實好愛阿Dee，然後保錡又搞笑問：「有冇人錄低佢講呢句！」最後4子與郭思及導演梁國輝齊齊跟現場觀眾影大合照時，有觀眾大叫ERROR自組的短期樂隊組合名字《死腳膠》以及歌名《404》，阿Dee又和應叫埋一份。