安德尊太嘈疑似激到李家鼎黑面直認現場火氣十足：佢都咁大聲啦！

更新時間：16:00 2023-10-17
發佈時間：16:00 2023-10-17

李家鼎近日在《流行都市》教煮餸，不過期間「大王」安德尊嘈嘈閉，大聲問問題又不斷搭嘴，疑似激到鼎爺黑面，還喝令安德尊收聲。安德尊最近接受TVB娛樂新聞台訪問回應事件，第一句竟然已經直說：「火，梗係火啦！」

【點擊睇安德尊講李家鼎】：

安德尊最近拍攝《流行都市》時，與主持謝芷倫一同接受TVB娛樂新聞台，提到近日疑似激到李家鼎黑面，現場火氣十足，安德尊竟然第一句就直說：「火，梗係火啦！大家都火熱吖嘛，火爐又夠火，同埋佢煮嘢又夠熱。」旁邊的謝芷倫亦說：「我哋煮得好開心啊！因為鼎爺大駕光臨，平時少啲喺我哋節目。機會難逢，梗係要即刻睇下鼎爺教到啲乜，仲要係家餸菜。」安德尊亦順勢讚李家鼎：「好簡單，三兩嘢，佢真係好快。」

安德尊：佢話乜就乜

提到安德尊被指說話太大聲，又不斷問而激嬲李家鼎，安德尊揚言不會將音樂收細：「一樣咁大聲，佢都咁大聲啦！我不嬲都咁大聲，鼎爺係我哋前輩，佢有啲咩我就跟住做，佢話乜就乜，呢個好平常。你問吓佢（謝芷倫），鼎爺叫你攞豉油，你即唔即刻攞？」謝芷倫也笑說：「梗係即刻應啦，我哋呢啲後輩。」安德尊續說：「佢話乜就乜，我哋相識幾十年，我哋就咁溝通，可能你哋少見我哋喺電視上一齊。因為佢有佢世界，拍劇啊咁，好少碰上。而家大駕光臨，學下嘢，啱唔啱啊？」

【其他文章】：

宋芝齡安德尊終「開花結果」拜堂成親？收長輩order要日日夜夜密密做

安德尊慶祝62歲生日左擁右抱錫人妻宋芝齡耍花槍晒大腿紅印

61歲安德尊與宋芝齡結婚？齊穿中式禮服超襯傳緋聞多年網民望開花結果

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ