獨家丨黃梓樂盼似AK做全能藝人呻《年少》最滿意戲份慘被cut

更新時間：07:00 2023-11-29 HKT
發佈時間：07:00 2023-11-29 HKT

11歲小演員黃梓樂（Sean）憑電影《年少日記》，獲得金馬獎提名最佳男配角，雖然最終落敗，但證明的他演技已達專業水平，可惜戲中最滿意場口慘被cut。畢竟Sean仍是小男孩，對長大後仍有不少憧憬，除想繼續做演員，又想成為AK（江𤒹生）＠MORRIR一樣的全能藝人，還希望可以成為昆蟲學家。採訪：杜杜攝影：Stanley

外表仍好cute的Sean，訪問時對答如流，已不需要請教旁邊的媽咪。

Sean在《年少日記》的出色表現，獲外界激讚兼得金馬提名。

要求Sean擺個chok甫士，都變成這款可愛樣。

Sean在5歲時在街被星探發掘開始拍廣告，8歲試鏡《流水落花》成功後正式入行，但他一直未有上過任何戲劇課程，「有啲導演話覺得讀咗戲劇班，技巧太強，會驚唔夠自然。」對於被讚是天才童星，Sean謙虛話：「多謝晒，我唔覺得自己好天才，純粹理解劇本意思，冇咩特別聰明，其他人都可以做到，我要繼續努力，仲有好多進步空間。」

Sean首次拍電影便跟鄭秀文在《流水落花》中合作。

Sean親身到金馬頒獎禮，雖失落男配角獎，但可跟許光漢集郵。

望導演po被cut戲份

在《年少》演出令人動容，Sean看了電影6次，每次都因不同劇情而喊，而他在拍攝時亦試過喊到收唔到聲，可惜最終這場戲被cut，他搞笑話：「我喺呢度講返，希望導演po返出嚟。」而那場講述他被鄭中基演的爸爸打完，演媽媽的韋羅莎就向他解釋爸爸有狂躁症，「嗰場戲真係好慘，我覺得自己做得最好、最滿意，但真係喊到收唔到聲，返咗休息房導演同所有crew都嚟𠱁我，又畀啲零食我食，要慢慢冷靜落嚟抽離角色。」

戲中Sean要被鄭中基打，但每次這個「爸爸」扮打後會不停道歉。

Sean在戲中經常被韋羅莎鬧，現實這個「媽媽」好溫柔，仲會送上聖誕和生日禮物。

講到夢想，Sean除了想長大後繼續做演員外，還有其他夢想，「7歲度睇咗本昆蟲書好好睇，開始鍾意咗昆蟲，仲有鍾意動物，所以大個可能做昆蟲學家、動物學家、獸醫、動物護理員。」問到做藝人最想似那個合作過的哥哥呢？他認真想一想話：「AK哥哥，因為佢跳舞好厲害，又靚仔，演戲又好好，唱歌又好聽，又做老闆，佢有5樣嘢喎，勁多才能。」提他AK更是男團成員，他即興奮話：「係喎，我都可以試吓做男團，佢真係好多嘢做。」