肥媽李鼎打大佬丨李家鼎爆兩豪門千金曾做PA！拉隊去富豪飯堂請食飯 竟與賭王有關？
發佈時間：16:00 2024-01-04
由肥媽、李家鼎（鼎爺）及游嘉欣主持的《肥媽李鼎打大佬》昨晚（3日）播出的第三集，入行接近60年的李家鼎大談昔日在娛樂圈的奇遇，大爆兩位名人之後做 PA（助理編導）的趣事，當中竟然已故賭王何鴻燊的二房61歲長女何超瓊有關。
相關文章：61歲何超瓊變身蜘蛛女！哈爾濱夜蒲有廳長陪同 與網紅乾杯一飲而盡勁豪氣
李家鼎大爆兩位名人之後做 PA同何超瓊有關？
在昨晚（3日）播出的第三集中，李家鼎先說第一單：「有套劇預咗好重 Budget 喺架車度，點知道具同事唔知，將租車錢使咗去道具度，監製導演發晒爛渣，因為冇車用。之後有個 PA 攞咗兩條車匙出嚟，話：『一架係開篷，一架唔係開篷，你哋自己揀啦！』我哋成廠人一齊吓咗出嚟！」李家鼎續說：「一睇，其實只係好過乞衣少少，爛牛仔衫褲，嗰隻表仲係黑蚊蚊，原來係古董表。」這個PA正是香港著名教育家陳樹渠的女兒陳燭昭！
何超瓊任勞任怨無得頂
接着肥媽問李家鼎在電視台工作了這麼久，應該不止遇過一個有錢人的後代，李家鼎就說：「話說當年拍武俠片，睇完外景通常都例牌食公司。嗰日就同埋個 PA 一齊食，個 PA 就話去乜乜門啦，我哋一個二個都唔好意思出聲。食完飯個 PA 就話去一去洗手間，佢去完洗手間出嚟話走得喇，原來佢攞咗張金卡出嚟埋單！」這間乜乜門正是城中出名的名人飯堂，對於這PA的舉動，個個都覺得奇怪：「每朝都有架名車接送上班， 呢個就係何超瓊，當時人工只有600蚊，佢係想了解行情，嗰陣佢乜嘢都做，任勞任怨，冇得頂。」
何超瓊年輕貌美如花相：
現年61歲的賭王二房長女何超瓊是中港澳政商界大人物，同時兼任世界旅遊經濟論壇副主席兼秘書長，積極推動內地旅遊業，這位身家超過300億女強人何超瓊，年輕時曾對娛樂圈感興趣，當年何超瓊與陳百強在在蘭桂坊偶遇而成為好友，其後在陳百強的介紹下加入娛樂圈，曾參與陳百強主演的電視劇《突破》，在1989年還擔任陳百強音樂特輯《感情寫真》的嘉賓之一，成為其中一位女主角。
其他文章：
61歲何超瓊變身Pink lady酒吧消遣 開金口演繹「舊愛」名曲唱功驚人
四太何超瓊同場與汪明荃合照各展貴氣一面 郭晶晶戴珠寶現身大仔獲讚小暖男
楊紫瓊結婚丨幸福島婚禮現場片流出！致詞感動落淚 何超瓊觀禮見證閨密出嫁
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
