東張西望丨港女北上做SPA跌傷做手術縫20針！水療中心保險拒賠全額：成人有自我保護責任
發佈時間：22:07 2024-01-10
自去年開關後，不少港人北上尋歡，TVB節目《東張西望》今日報道一則港女北上尋歡做SPA跌傷個案，當日事主阿恩去一間著名水療中心，去診所期間跌倒，令韌帶撕裂需要做手術，對方卻只肯賠償一半手術費，事主阿恩直言：「無諗過去呢啲水療地方，我哋香港人去係完全無保障！」
相關閱讀：東張西望丨屯門賣唱團大媽爆有賣淫服務？捧場老翁護女神 襲擊攝製隊變流血事件
港女北上尋歡做SPA跌傷？
30多歲的港女阿恩近日去一間受社交網追捧的水療中心做SPA，人均500人民幣起，在深圳來說可算是高消費項目。阿恩過往兩度到該水療中心消費，一直都相安無事，不過到第三次去，就發生意外！阿恩表示當時去廁所受傷：「我行入去一轉彎，砰一聲就跌倒，跟住想起身，但佢對鞋好跣，一起身砰一聲，呢邊膝頭都撞到地下，當時膝頭好瘀。好痛、好痛，我大叫，個頭向前伸時，見到廁所馬桶嘅水一直爆晒出來，個地好多水。跟住我大叫『痴線，點解咁多水』，啲阿姐就衝埋嚟，扶我去服務台。」阿恩指當時服務員打算為她搭藥酒：「我好痛好痛，話唔得，你幫我報警，我要見經理。」
事主被逼在內地做手術
阿恩隨後被送至附近醫院，要先付5千人民幣的留院費，當時阿恩想返港治療，不過卻被水療中心勸阻，阿恩說：「佢哋同我講，如果你返咗香港，我哋一蚊都唔會賠畀你，因你係喺內地跌倒，我哋保險只承保內地。當時佢話『該負嘅責任，我哋會負；不該負嘅，你一毫子都唔會攞到。』」阿恩只好找家人過數，先負留院費；不過在阿恩住院三日期間，水療中心並無工作人員前往探望或商討賠償。其後阿恩被診斷為後韌帶撕裂，醫生建議做手術，手術費高達5萬人民幣。阿恩當日在病床指：「最基楚係5萬蚊，仲有之後好多治療費用；佢哋而家反口，拖住治療，甚至要我自己畀呢筆錢先可以做手術。」
事主直指協議書不合理
水療中心指個案已交由保險公司處理，但保險公司回覆指：「成年人具有完全行事能力，對自身安全應具有相應的注意義務，自己也應承擔責任，本次事故場所方責任比例不超過50%。」阿恩指水療中心提出賠償2.5萬人民幣，但要求她簽署和解協議書：「份協議書完全不合理，寫我自己跑跟住跌親；簽咗份嘢後，以後亦唔可以追究。」阿恩拒絕簽署協議書，更指她當時在內地做手術，其家人亦在深圳住了十多天：「佢哋話會畀七日房我，真係多謝你囉。」
阿恩只好自己預先支付5萬人民幣做手術，並表示韌帶撕裂情況嚴重，手術後更縫了20針，阿恩更狂呼：「痛到不得了！」更指直至出院，水療中心依然無人前往探望。阿恩留院十多日後，終於返香港，不過與水療中心的轇轕毫無進展。阿恩語帶哽咽說：「非常後悔，無諗過去玩會跌到咁，以後都唔知行路會唔會趷下趷下，咁後生就搞成咁，我仲有小朋友要照顧。」
「小心地滑」牌位置變羅生門
《東張》致電水療中心人事部經理廖先生，對方表示：「這個不是我們判定，保險公司要接受這樣案例，不是一單兩單，肯定上百單，保險公司也是做了相關案例作參考。他們判定雙方都有責任，不是某一方的責任，如果未成年情況下，我們責任可能會大一點，成人都有自我保護責任、義務，自身責任是有的，這是必然的。不能一點責任都沒有。」
阿恩指當時有見到有「小心地滑」的牌，但是於垃圾桶旁邊，事後對方卻拍了一張照片，見到小心地話牌放在廁所門口，阿恩則說：「根本係拖完地放，叫人小心地話，影嚟做乜。」水療中心廖先生則表示從無動過「小心地滑」的牌：「肯定放在顯眼位置。」事件釀成羅生門。
阿恩打算採取法律行動，而律師蘇民傑表示，要留意環境是否凌亂：「如果我影低咗當日無小心地滑牌，現場環境好濕，令到自己跌倒，呢樣一定要清楚紀錄，甚至係拍低。」如果當時情況混亂，亦要報警或叫救護車，證實事件是當日發生。同時亦要有收據等，證明做甚麼類型手術，對日後民事索償亦相當重要。
其他文章：
東張西望丨《一舞傾城》屯門篇？大媽唱歌變坐大髀摸手仔 疑數百元可有不道德交易
東張西望丨三人目擊74歲老翁跌倒自動門仍不停撞 吳幸美實測被撞到企唔穩極危險
東張西望丨9旬婦離世鬧爭產！兒子被指快閃喪禮兼落格百萬 反擊怒爆爸爸玩女人
東張西望丨八旬老翁沉迷按摩遭兩子斷絕關係 疑被34歲骨妹騙2百萬公開露骨訊息
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
