獨家丨吳業坤感激老婆助洗底告別「毒男」 開騷唔預索妻做嘉賓拒放閃
發佈時間：08:00 2024-01-25
去年吳業坤娶咗個旺夫日籍太太浜口愛子後，事業一帆風順，除重返成為TMC一哥，更於本月28日舉行《坤哥ただいま2024音樂會》，用日文常用語「我返嚟啦！」做主題，宣告全面重返樂壇。回望4年前處男登上紅館開騷，坤哥否認係跌watt，強調每個場館玩法唔同，今次只想近距離做Live show。採訪：方騫平 攝影：錢文坤
吳業坤重返樂壇開騷，希望帶出簡潔感覺，跟台下觀眾多點互動交流：「我唔會諗揀喺細場玩係跌watt，其實每個場地做法唔同，紅館開騷係萬人盛宴，五光十色多姿多采；但今次係live house形式，大家咁耐冇見，想近距離睇到我唱歌，唔使上到『山頂』。」
婚姻生活平淡是福
成為人夫嘅坤哥唔打算安排索妻上台，只預她做觀眾，他笑說：「今次冇嘉賓得我一個主角，個騷係表達音樂，唔好畀佢(老婆)搶風頭。」不過，坤哥都畀返個credit老婆，承認娶咗浜口愛子後真係幾好：「不論人生及事業上都有正面影響，大家都多咗個討論度係開心嘅，最重要人夫身份上多咗責任感，畀人感覺成熟咗，成功洗底唔再叫我『毒男』，𠵱家唔可以好似以前咁亂咁開玩笑，唔可以令老婆為難。」坤哥形容兩公婆生活簡單但美滿，最愛喺屋企二人世界，玩吓領養回來的松鼠狗，煮吓大餐，周圍「食好西」，平平淡淡經已好幸福，暫未打算生B：「不過，我哋唔會刻意放閃，但有時會分享生活點滴，如食愛心飯盒，因為各自有唔同工作範疇，唔使成日做連體嬰，令觀眾轉移咗視線。」
《區區有申訴》答問題送盆菜，現正進行利是公價問卷調查，編輯部會揀選最具創意的得奬者，送出價值$1698「新春佛跳牆盆菜」套餐或價值$198「五福臨門煲」︰ https://bit.ly/3Ucj7tg
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
