陳敏之憶亡母落淚承諾做個好母親 感恩獲7歲兒子安慰：你仲有我
更新時間：19:15 2024-02-02
發佈時間：19:15 2024-02-02
發佈時間：19:15 2024-02-02
字體大小
陳敏之媽媽上周五（26日）因血癌離世，她連日都在社交平台抒發心情，懷念媽媽，丁母憂後今日她首度出席公開活動，收拾心情現身邵氏網劇《執法者們》開鏡儀式，雖然她在活動上笑容滿臉，但受訪時一提到媽媽即忍不住落淚。
陳敏之收拾心情出席劇開鏡活動。
陳敏之要時間平復心情。
陳敏之合照時強顏歡笑。
丁母憂後陳敏之首次現公開活動。
陳敏之表示在劇中演警司，很開心見到很多老朋友，尤其開心與認識多年的宣萱首次合作，坦言這段時間最好是工作，免得自己亂想，媽媽見到也會開心，又說媽媽離世的事一定需要時間平復，所以要收拾心情工作，「媽媽都想我繼續工作，因為佢最鍾意睇我嘅劇，永遠支持我，也唔想我意志消沉，媽媽喺我心中係最重要，好難即刻冇事，但知道佢喺天堂好開心、冇疾病，我答應過佢要繼續做好母親、好太太和好女兒，佢都想我畀心機做好。套劇3月開拍，到時的狀態會更好。」
又透露月尾為媽媽舉行安息禮，她強忍淚水說：「我哋係同一個宗教，將來會在天堂相聚，只係佢先行到步，有叫媽媽執靚『上面』，我遲啲去搵佢一齊打牌。」講到囝囝子樂，她表示囝囝比她堅強，不像一個7歲小朋友，更反過來安慰她，「佢叫我『唔要傷心，如果我掛住婆婆，婆婆會擔心』，佢仲同我講『你仲有我』，佢好生性，望住佢好欣慰。」她表示囝囝在過程中很少喊，只是在婆婆離開前一晚喊了一個鐘，他咁細要面對生死不簡單，能喊出來釋放心情都好。
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
