東張西望丨洪永城驚爆「得罪」樂易玲因無上門做一事？羅子溢：呢啲都講出口，癡線

更新時間：23:00 2024-02-02
發佈時間：23:00 2024-02-02

今日（2日）邵氏網劇《執法者們》舉行開鏡儀式，宣萱、吳啟華、陳豪、黃宗澤、馬國明等一線電視界演員齊集，非常熱鬧。今晚《東張西望》播出活動片段，有份參演的洪永城、胡鴻鈞、梁競徽及羅子溢一同受訪時，洪永城竟自爆得罪TVB高層樂易玲。

洪永城自爆「得罪」樂易玲原因？

《執法者們》活動上，一眾演員扮演律師及法官等大放笑彈，洪永城竟被安排扮犯人，更由TVB高層樂易玲親自「收監」。《東張西望》主持訪問洪永城、胡鴻鈞、梁競徽及羅子溢時，指樂易玲大爆洪永城不肯續約因而要「加監」，洪永城親解「得罪」樂易玲的真實原因：「做場法庭戲哄大家開心，樂小姐突然捉住我，因為可能我幾年冇去佢屋企食飯啦，所以佢覺得要懲罰吓我。」身旁的羅子溢對洪永城的言論感到非常驚訝：「呢啲都講出口，癡線！」《東張西望》主持即追問：「咁你（羅子溢）係咪有去樂小姐度食飯呀？」羅子溢邊抹汗邊表示：「必須㗎啦！呢個係禮貌嚟嘅。」更指着洪永城說：「你真係冇禮貌。」一來一往對話非常爆笑。

宣萱有望令「被綁架」次數創新高

宣萱曾被網民封為「TVB御用人質」，事關宣萱過往多次於TVB劇集中被綁架，更有網民於社交平台成立「關注宣萱劇集被綁架關注組」，連去年宣萱參演的ViuTV劇集《極度俏朗君》都惡搞宣萱，先後被綁架三次。今日宣萱出席《執法者們》活動，與吳啟華一同受訪，直言希望再被綁架：「我哋仲等緊後15集會唔會畀人綁，我又唔介意畀人綁吓，因為幾好呀……繼續做呢個紀錄保持者。」而翻查網民細心紀錄，原來宣萱已累積近30次「被綁架」經驗，如果新劇再被綁架，有望再令「被綁架」次數創新高。