飯戲攻心2丨張家輝為首映唔見「失散兄弟」美斯 拒絕再做化骨龍： 大家唔鍾意就好大件事
發佈時間：11:10 2024-02-05
張繼聰、鄧麗欣（Stephy）、王菀之、林明禎及魏浚笙等昨晚（4日）到圓方出席賀歲電影《飯戲攻心2》群星飯腳場，張繼聰更邀請得張家輝前來捧場，今次請得張家輝來捧場，張繼聰表示好榮幸：「佢嘅大恩大德真係沒齒難忘，唯有以後任勞任怨。」
相關閱讀：飯戲攻心2｜黃子華落實不參演張繼聰頂上無壓力 鄧麗欣：他的精神仍在
《飯戲攻心2》群星飯腳場星閃閃：
張家輝受張繼聰邀請到場，他笑言對方一直領導香港的電影，加上也是賀歲電影，所以特意前來支持，又開心看到很多好朋友，例如契爺胡楓及羅蘭等，笑指他來戲院支持，也不去球場支持與他撞樣的美斯？張家輝即笑說：「美斯有佢自己嘅世界！（鍾意睇朗拿度？）我扮咋嘛，一般唔會成日睇，除咗世界盃大賽，我鍾意睇電影多啲。」他指平常也會去睇戲，有時亦會叫太太關詠荷一起去，問到為甚麼不叫女兒？張家輝表示女兒沒時間：「讀書又忙，佢都唔睇我嘅戲，問佢做乜唔睇，佢又唔答，太太嘅劇都唔睇，佢鍾意聽歌多。」不過張家輝指女兒的同學會看自己的電影之餘，更經常會將自己演化骨龍的片段傳給女兒：「佢（女兒）會攞電話嚟叫我睇，我就話唔好睇啦。」提到新年，張家輝表示將會一家人出埠幾天避年，又指自己也想再拍喜劇，不過就不會再演化骨龍：「如果有一個大家喜歡、自己又有新鮮感嘅喜劇，我都想拍，化骨龍喺大家心目中印象太深，如果我唔係做化骨龍，我唔知大家會唔會唔鍾意，（試吓？）唔試得，好驚，如果大家唔鍾意好大件事㗎嘛！」
張繼聰視張家輝是老師
張繼聰指多年前張家輝邀請拍《陀地驅魔人》之後，一直有保持聯絡，也會相約對方行山，自己拍戲有不懂的話也會問對方，心裏面已經當了張家輝是老師，更指若有機會跟對方合作，無論拍正劇或喜劇也不介意，又笑言要加入對方的fans Club，更要做燈牌應援，鄧麗欣也表示很想跟張家輝合作：「咁耐都冇同佢合作，但唔知點解每次見到都好親切同好熟悉，佢又會同我傾偈，所以都好期待睇吓之後有冇機會合作。（想合作咩類型？）冇諗咩類型，因為家輝拍咩都可以試吓。」
張繼聰與鄧麗欣表示農曆新年將會留港為電影宣傳，鄧麗欣更透露現時已開始為下一部電影做準備，新戲亦將會在二月底開拍，張繼聰則表示新年不會出埠，因要到處謝票，若去旅行的話可能要等到三月：「而家專心工作，都開心嘅，因為電影自己好鍾意。」提到票房好的話，會不會做甚麼謝票，鄧麗欣聽到後即望着張繼聰說：「唔好望住我。」而張繼聰亦即時將這重任推給魏浚笙並笑說：「找數都係除衫嗰啲，我10幾年有咩未試過，我IG都成日除，銅鑼灣祼跑我都做過，所以唔好問我，問魏浚笙，起碼找數嗰陣都有陣新鮮嘅味飄出嚟。」張繼聰又講笑謂票房好，應該是問電影公司有甚麼福利給他們？不過他坦言拍第二集是有壓力，但大家亦需要面對：「唯有拍嘅時候咬緊牙關，俾心機做到最好，起碼要對得住第一集支持過我哋嘅觀眾。」
魏浚笙林明禎沒有為票房感壓力
魏浚笙有不少粉絲到場支持，更不時大叫「Jeffery好靚仔」，魏浚笙受訪時笑指粉絲只是剛好在現場，但可見到大家覺得開心，更希望粉絲可入場多看幾次：「始終係自己第2年參與賀歲片，好開心有機會透過大銀幕同大家拜年。」至於林明禎則表示很開心全家人會來港一起過年，更指已買了年初一的戲票，與家人一起入場，故很期待。問到兩人會否有票房壓力，林明禎表示沒有，因為大家已盡力做，票房就留給觀眾，魏浚笙認同，又謂早已講了若票房好就會濕身：「新年流流、淋水好意頭。」而林明禎雖然早前已預告會着旗袍，不過她就表示因為工作太忙，故還未有時間去買，待明天放假就會去選購，問到是否需要忍口過新年？她說：「會照食，最多做返多啲運動。」
其他文章：
飯戲攻心2丨張繼聰有信心打破上集紀錄 魏浚笙林明禎揚言票房好會派福利
《飯戲攻心2》明年上映強勢陣容曝光 宣傳照一細節疑洩原班人馬回歸
林明禎避談有無拍《飯戲攻心2》 今年變廣告天后：衣食住行都會見到我
--------------------
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
