姚焯菲坦認不安：青春期真係好辛苦 曾後悔太早入行冇咗童年丨獨家
發佈時間：06:00 2024-02-09
17歲姚焯菲（Chantel）早前趁放假返港，推出單曲《初心小島》，她主動要求以成長作命題，因春青期令她好焦慮，又怕成為大人，希望提醒自己要重拾無憂無慮的初心。她不諱言曾後悔15歲太早入行，因壓縮了童年生活，但又認為成長是人生必經階段，早日接觸也好，做定準備面對複雜世界。採訪：杜杜 攝影：譚志光 髮型:Hugo Poon@private i salon 化妝:King Yip, Bingo Chan@Kings Makeup
Chantel透露製作人曾提議以愛情作《初心》內容，但她堅持寫貼近自己年紀的題材，「我喺歌手中比較細個，見廣東歌都冇乜貼近我年紀嘅歌，既然情歌有咁多，不如做首唔單止我呢個年紀嘅人，大人都會有共鳴嘅歌，因為佢哋都經歷過成長呢樣嘢。」
害怕大人世界太複雜
Chantel坦認身處青春期，感到好焦慮不安，特別是讀書的壓力，「好想快啲逃離讀書階段，卡喺大人同細路中間嘅青春期係好辛苦，知道大人世界好複雜，有好多責任要去承擔，所以好唔想長大。」她明白這是成長必經階段，所以希望透過歌曲提醒自己要搵返初心，「好想返去最純真，最無憂無慮嘅自己，乜都唔需要理，好冇責任嘅日子。」
15歲參加《聲夢傳奇》入行的Chantel，小小年紀便在複雜的娛樂圈發展，她承認有種被逼急速成長感覺，「後悔入行一定有，但有少少矛盾，我好想快啲成長，入行後心智係快啲成熟，冇咁焦慮同遴迍外，成個人成長咗唔少，但另方面將我嘅童年時間壓縮咗，冇咗童真。」她曾幻想如冇入行情況，「會做緊乜？係咪好似以前咁無憂無慮呢？不過諗返轉頭，都好慶幸自己揀呢條路，早啲成長，對將來都有幫助。」
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》新網站有更多精彩內容：http://www.stheadline.com/
