東張西望丨天瑜爸爸澄清無決定為女拔喉！含淚回想喪女一刻：佢好用力睜眼望我哋
發佈時間：21:50 2024-03-11
因醫療事故變成植物人逾3年的8歲女童周天瑜，礙於病情惡化，其家人被指忍痛決定拔喉，讓周天瑜離開人世。周天瑜的爸爸今日（11日）現身《東張西望》受訪，哽咽澄清家人並沒有下決定為周天瑜拔喉，並指周天瑜是身體各器官衰竭而離世。
相關閱讀：天瑜離世︱天瑜爸爸回應：「你得到解脫了 他日天家再見」 已成立治喪委員會處理後事
周天瑜離世丨周父受訪講述女兒離世主因：
周天瑜的爸爸哽咽接受《東張西望》訪問，他表示3月7日時周天瑜已經出狀況：「當時我哋去到醫院，護士替佢抽奶，當時護士同我講天瑜腸道未能懦動，跟住話佢食物、藥物未能吸收。於是當時就唔畀嘢佢食，只係輸葡萄糖水。之後3月8號醫院都打過嚟畀我，氧氣濃度已經用到好高，但佢有血含氧量降低嘅情況。」直至昨日（10日），醫院再通知周天瑜的爸爸，指周天瑜心跳一度跌至零，請家人盡快到醫院見周天瑜最後一面。
周父：天瑜係自然地慢慢衰竭
而周天瑜的爸爸都想澄清外界傳是家人決定為周天瑜拔喉，其實周天瑜是自然離世，「之前我哋都有共識，因為如果佢已經唔得，仲夾硬要用強心藥逼佢（心臟）跳，佢會好辛苦。其實都唔係我哋決定拔喉了結佢，我都聽到坊間啲講法話父母決定拔喉、送走佢，但我想講返情況唔係咁，天瑜係自然地慢慢衰竭，係慢慢心跳、呼吸停頓咁走。」周天瑜的爸爸說到女兒離世一刻，都即時眼睛含淚，「佢好用力睜大眼望媽媽，當時我同太太一人企一邊，佢望一望媽媽又望望我，之後見到佢心跳變零，同埋臉色開始變白。」
周天瑜的爸爸指雖然事件發生了很久，但未能說有足夠的心理準備，「都預咗有呢日，甚至都覺得可能對佢嚟講係解脫，等佢唔使咁辛苦。但睇住自己小朋友慢慢離開，感覺係……唔知點形容。」
其他文章：
2020年切除腫瘤手術期間缺氧變植物人 消息：小天瑜今日傍晚離世
東張西望丨屋邨臭氣熏天竟是因為一雙腳？嚴重潰爛極嚇人 血水佈滿走廊
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
