馬明與靚湯近日在家中為愛貓舉行生日會，不過靚湯昨日（19日）在IG指愛貓打疫苗後有強烈反應。

馬國明湯洛雯愛貓打疫苗變瞓氧氣箱：心痛到眼淚狂飆

更新時間：15:45 2024-03-20
發佈時間：15:45 2024-03-20

馬國明與湯洛雯（靚湯）愛得甜蜜，二人雖然未有小朋友，但在婚前就養了一對愛貓Tino同Ariel。早前，Tino 3歲生日，馬國明與靚湯更在家中為愛貓舉行生日會慶祝。不過，相隔4天後，昨日（19日）靚湯在社交網表示愛貓打疫苗後有強烈反應。

靚湯在IG限時動態貼出Tino睡在貓墊的照片，並提醒大家帶毛孩去打疫苗時，一定要小心觀察打完之後的反應，她續透露Tino打疫苗的反應：「今日帶大仔去打疫苗，以前打都冇事最多係攰啲，但係今日返到屋企，見佢一開始少少肚痾，跟住鼻哥好紅，再見到佢眼腫晒，之後呼吸極快，我真係嚇到癲咗即刻帶返佢去診所，打抗敏針同止嘔針，瞓氧氣箱。」靚湯表示非常心痛：「個心痛到啲眼淚狂飆，不過好彩半個鐘之後就舒緩返，而家帶咗返屋企，好攰好攰，係咁瞓覺，都放心返啲。醫生話極少數會有咁嘅反應，不過咁啱就係嗰個極少數，佢仲話好彩我哋快帶佢去，如果唔係後果都有危險..大家有冇試過啲咁嘅情況？」

其後，靚湯再代Tino報平安表示：「多謝大家嘅留言，原來大家都試過有咁嘅情況，真係好恐怖，第時都真係要考慮係咪真係要繼續打，太驚嚇。Update返，見佢睡姿回復正常，應該舒服返好多。」

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ