Mayanne小喇叭丨麥美恩摸同志胸肌驚呼「大過我」 王賢誌提議蒲Gay吧搵真愛？
發佈時間：22:30 2024-03-29
麥美恩（Mayanne）主持的TVB節目《Mayanne小喇叭》逢周四、五晚播出，今晚一集主持是「出出櫃後的仔仔們」，請來王賢誌和來自真人 騷《仔仔一堂》的Carson、Howard以及Juzco擔任嘉賓，大爆Gay界秘聞。
相關閱讀：Mayanne小喇叭丨港產AV女優激戰前必做一事 爆男優故意撕爛安全套入黑名單
麥美恩講到坊間有指同志自帶「測Gay雷達」，四位仔仔異口同聲嗌贊同，Juzco說：「有啲係好鍾意做Gym，會Post啲健身相喺IG。」穿低胸背心晒肌的他即被同場其他人「調戲」，Juzco說：「我做Gym咁辛苦，唔係唔影畀自己睇吓嘛？」王賢誌聞言即窒爆他：「你唔係畀自己睇吓，係畀人哋睇吖嘛！」搞鬼的麥美欣更上演驗胸大會，摸住Juzco脹卜卜的胸肌說：「係大嘅，大過我囉！」場面搞笑。之後講到仔仔們的各大類型，眾人大爆分別有大隻靚仔的「狼」、留鬚兼肥壯的「小熊」，還有一種叫「蝦」，麥美恩聽完Juzco的講解後更嚇到O晒嘴。
助理主持曾展望（GM）講到有同志朋友曾經成功幫他追女仔，Juzco聞言即自豪謂：「我有幫過女仔朋友追仔，之後仲結埋婚！」身為單身貴族的麥美恩即時流晒口水向他請教，並拋出例牌問題：「咁我爭啲咩？」Juzco聞言靜止了數秒後笑言：「差一個會欣賞粗魯女仔嘅男仔！」麥美恩即時表現冇癮，之後王賢誌提議帶麥美恩蒲Gay吧：「嗰度有機會識到直男，試過有女仔朋友搵到真愛！」
麥美恩台慶攬郭珮文？
「仔仔」揭同志流行三人行
再講到時下流行的「Thruple 三人行」，王賢誌坦言：「喺男男關係同女女關係先會出現，因為男女關係出現三人行會有啲奇怪，因為只係滿足到其中一方。」Howard則明言接受不了：「有個朋友（同另一半）一齊咗5、6年，跟住佢搭上咗C，之後佢哋高度放閃，係咁三個人影親密相，但最後個元配係畀人Kick Off咗！」曾經與韓國人交往的Carson，則分享「韓國仔仔」當兵如何解決性需要，並指有「直男兵哥」初嘗同性之間的喜悅後由直變攣！
其他文章：
Mayanne小喇叭丨湯盈盈自爆有報應細女似晒佢 周家怡公開陳年拍劇𤓓事
Mayanne小喇叭丨波波郭珮文兩大TVB咪神正面對決 3位逼爆KOL同框討論「胸大煩惱」
向海嵐孖富三代表兒甥拜年 主持出身傳家族資產逾30億 與周勵淇姊妹關係微妙
鄭嘉穎表弟王賢誌突暗寸某人「雙面人」！ 言論再惹揣測：日久見人心
鄭嘉穎公開為「浪費時間」論解畫 談表弟王賢誌：咁都唔明唔使解釋
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
