潘靜文擇偶首要另一半要有反應自認「戀愛腦」入行後沉迷拍拖丨獨家

更新時間：08:00 2024-04-05 HKT
發佈時間：08:00 2024-04-05 HKT

潘靜文（Sherman）推出第2首單歌《傷魚座》，本身是雙魚座的她以星座性格特質構思歌曲，MV首次演繹爆喊戲，1 take過完成令她演戲信心大增。自認「戀愛腦」的她，自爆入行後差點因圈外男友影響工作，目前單身唔心急拍拖，但又開心公開擇偶條件。採訪：杜杜攝影：Stanley 髮型:Hugo Poon@PRIVATE i salon 化妝:King Yip@KingsMakeup場地:The AIR (The ONE)

Sherman本打算跟同樣雙魚座的張馳豪（Aska）齊創作此歌，「嗰排我好易整親，連拉筋都可以整瘀，Aska又係好易受傷，斷過十字靭帶，就諗住一齊寫首關於雙魚座，易受傷嘅歌。」但各有各忙被迫擱置，她再出單曲就決定用這概念，大讚填詞人張楚翹的歌詞夠到肉，「有句歌詞『何時何日清醒便能告別』，好似講緊我以前好易『沉船』，一沉就變Titanic，大個啲先好啲。」

172cm高的Sherman，對男仔外形最大要求是身高。

演崩潰爆喊大滿足

自認戀愛腦的Sherman，自爆入行後被圈外男友影響，「以前真係太投入拍拖，試過做嘢個腦都只得佢，呢行要成日見咁多人，唔可以俾人知你掛住拍拖。」26歲的她自覺變得成熟，更清楚對象的要求，「雙魚座同顧家嘅巨蟹座幾夾，但我又唔會專登搵個巨蟹座男仔，首先外形順眼就得，靚仔反而冇乜安全感；至少要高過我，最好有180cm；性格唔好太靜，我多嘢講對方都要有啲反應；同埋要成熟大過我，佢叻先會令我有仰慕感覺。」

Sherman自認以往拍拖太投入，會影響讀書及工作。

Sherman跟《造星V》的Andy在MV演情侶。

Sherman公開入行後戀情，間接澄清跟「好姐妹」林智樂緋聞。

講到拍《傷魚座》MV，Sherman最難忘要演繹崩潰爆喊戲份，最初好擔心應付不到，「導演要求我一嚟就喊到豬頭，未試過咁演，除咗聽歌投入情緒，嗰期我唔太如意，知舅母患癌，又幻想全世界連屋企人都好唔鍾意我，跟住就1 take過做到。」雖然她明白拍MV跟演戲兩回事，但對演戲提升了信心，「都會諗如果呢個係劇，要就對白、鏡頭，同對手交流，唔知有冇咁嘅效果？！但當導演嗌good take時，好有滿足感，有機會都想試。」