Mayanne小喇叭丨細細粒零濾鏡真身談帶貨辛酸曾嘔八小時 過萬隻蚊蟲橫飛堅持直播
發佈時間:23:30 2024-04-04
由麥美恩(Mayanne)主持的TVB節目《Mayanne小喇叭》今晚(4日)主題是「直播帶貨搵真銀?」,請來近年在內地做直播帶貨做得非常成功的陳嘉佳(細細粒)、梁競徽及知識型美容直播主Yoko Tsang擔任嘉賓。細細粒與梁競徽分享不少內地直播帶貨趣事及辛酸,細細粒更自爆曾為促銷,一年喪食400隻大閘蟹,之後對大閘蟹留下陰影,而現時雖然被指賺很多變富婆,但其實細細粒曾倒蝕2千萬元。
相關閱讀:細細粒陳嘉佳邁向終極磅數晒美腿瘦到見骨!獲封「背影殺手」擁女團般鉛筆腿
細細粒真身上鏡談帶貨辛酸:
近期最令細細粒受關注的當然是她越減越瘦的身形,她一出場就被麥美恩擁抱,大讚她瘦了很多,不過她卻開玩笑指不想站在麥美恩身旁,更好奇麥美恩如何一直保持纖瘦身形。細細粒激瘦零濾鏡下現真身,就連身旁的梁競徽都指:「我以為係佢個妹『大大粒』。」細細粒近來不時於社交平台分享減肥進度,卻曾被網民質疑P圖及加濾鏡,而今日她以真身上節目,曝光了真人原來真的激瘦很多!
細細粒經歷倒貼打工日子
細細粒近年北上發展順利,在內地做直播帶貨做到有聲有色,不時晒名牌手袋,到處旅遊又在異地置業,成為圈中小富婆。但細細粒坦言初出道做直播主時反應冷淡,連續三個月每場都只有60多名支持者。盛傳因做直播帶貨賺到盤滿缽滿的她,透露在直播場亦曾遇上不少損手事件:「一盤2,000萬嘅貨,可以最後係蝕錢嘅。最常見嘅例子係,『今日我畀你充值電話費,充100蚊只收你95蚊,嗰95蚊我要貼,咁做呢一個action為乜?咪令到我個 GMV(成交額)可以到數。我試過60幾蚊嘅朱古力,每盒只係賺兩個幾,啲錢真係一毫子、一毫子賺番嚟!」但又坦言一晚最高峯做過800萬生意額,連梁競徽都大讚犀利。
相關閱讀:鄺文珣現身細細粒直播 淡出後誕三子47歲仲有少女味
梁競徽亦指做直播帶貨並非如想像中易賺錢,並無意中踢爆直播主公價佣金,令細細粒大為震驚,梁競徽說:「100萬貨average(佣金)係12個點,即係賺到幾廿萬(約數),但中間會有差旅費用同團隊人工,同埋唔係每一場都好,要拉上補下填番之前蝕咗嘅錢。」並大爆直播主不為人知的「蝕錢陷阱」。
細細粒陳嘉佳減磅後驚現鬆弛皮膚?
細細粒曾喪食400隻大閘蟹有陰影
談到做直播主辛酸事,細細粒坦言曾經歷過萬隻蚊在眼前「橫飛」盛況,又試過在陽澄湖見識幾千隻「珍寶蟲」飛來飛去。以吃播聞名的細細粒,又坦言為了跑生意額,平均每年喪食至少400隻大閘蟹,坦言食到有陰影。細細粒又透露曾試過在一個極惡劣環境下做直播,結果嘔足八個小時!細細粒說:「個棚裏面平均 45 度,我喺裏面嘔咗八個鐘!因為嗰度農村嚟,供電唔夠,係連風扇都唔吹得。」梁競徽則指曾為了促銷提子,在超高溫下又唱又跳,結果熱到「連底褲都濕埋」。
相關閱讀:兩大TVB前綠葉王合體跳《科目三》竟被嘲「折墮」 網民得知為隱形富豪即轉軚
細細粒杭州大宅逐格睇:
梁競徽執生跑流量
另談到直播執生事件簿,梁競徽曾試過直播期間意外停電,但本著「TVB訓練出嚟」嘅精神,他決定「死撐」兼扭六壬執生繼續直播,原因就是為了跑流量「有突發嘢唔好驚,要繼續將嗰樣嘢變成流量密碼,直播間有事件發生,其實就有流量喇!」更會大爆「流量密碼」貼士,萬勿錯過。細細粒則試過直播期間遇到有人「頂爛市」,令原本已上千的生意額大跌四成,為了挽回商譽細細粒要出招蝕錢化解危機。
相關閱讀:39歲前香港先生連續帶貨12小時!食足五餐狂換衫 直播曾獲富婆打賞賺七位數
細細粒曾因無心之失寫悔過書
細細粒與梁競徽大爆做直播主極易中招,只要一個不留神「犯規」就會被罰停播,例如直播期間不可以提「錢」,多少錢要說成多少「米」,才不當違規。而細細粒更試過因為一個無心之失要寫悔過書,笑爆全場。細細粒笑謂:「我人生第一次寫悔過書,嗰次我直播時無啦啦冇咗,話我個account要被封28日,之後我哋全公司上下係咁打電話問點解。」細細粒續指經過接近一個鐘查探,發現原來直播時不小心展現了價格對比圖而被當違規,除了要寫悔過書,更經歷長達半年「洗底期」流量才回復正常。
細細粒變富婆擁超多名牌?
其他文章:
細細粒減肥後手臂鬆弛引熱議!內地網民對比賈玲有肌肉 專業分析原因
細細粒陳嘉佳極速由300磅減至148磅 吊帶小背心出鏡 一部位驚現極度鬆弛
細細粒公開超靚體檢報告激動爆喊 澳洲狂食反瘦期待買處女牛仔褲丨獨家
《星島申訴王》推出全新項目「我要讚佢」欄目,現誠邀市民投稿讚揚身邊好人好事,共建更有愛社區。立即「我要讚佢」︰ https://bit.ly/3uJ3yyF
想睇更多精彩內容,請立即瀏覽「區區有申訴」活動專頁,https://bit.ly/41hgS9E
《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ