許廷鏗搞電車簽名會自認係「老餅」預告衝出香港宣傳新歌

更新時間：17:15 2024-04-08 HKT
發佈時間：17:15 2024-04-08 HKT

許廷鏗（Alfred）日前在電車舉辦新歌試聽會及簽名會，由中午2點簽到晚上9時，Fans沿途各站上車見偶像，Alfred簽名簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓偈，我同歌迷之間似朋友多啲，以親民為主。」明知道辦簽名會，但烏龍的Alfred連簽名筆都忘記帶備。「我本來準備咗十幾支簽名筆，不過呢一刻應該仲喺我張床度！簽名會唔記得帶筆真係黐咗線，好彩我有個美麗嘅Fans借咗支筆比我，應該都頂到兩站嘅，不過都要叫同事幫手撲筆。」

許廷鏗笑言自己與Fans沒距離，自己更不時周圍去，希望與大家貼近：「希望用自己嘅影響力俾其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，都會製作。」他表示因與贊助品牌熟絡，碰巧對方電車有空檔，Alfred即時借用舉行互動簽名會。

此外，Alfred新歌《多多指教》推出在即，同時計劃前往海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」Alfred更透露，有機會借海外宣傳舉行巡唱，呼籲歌迷跟住一齊出Trip。

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ