早D知早D醫丨身體現三情況或已患大腸癌！鄧達智分享患癌先兆康復期補品大公開

更新時間：00:15 2024-04-24
發佈時間：00:15 2024-04-24

TVB節目《早D知早D醫》昨晚（23日）主題為大腸癌，更請來曾患大腸癌現已康復的知名時裝設計師鄧達智受訪，分享患大腸癌先兆，而《早D知早D醫》亦提到照腸鏡會有的風險。

大腸癌先兆與成因：

由洪永城、宋宛穎、何沛珈、魏韻芝主持的TVB節目《早D知早D醫》今晚播出新一集，本集請來腸胃及肝臟科專科醫生姚志謙講解香港第二位「癌症殺手」大腸癌。姚志謙醫生指如果發現自己經常便秘、體重下降及大便有血，以為自己有痔瘡的話就要小心，因為以上都是患大腸癌的先兆。

相關閱讀：文麗賢離世丨戰勝乳癌後患大腸癌！肝臟現巨瘤鄧達智：做完手術冇醒過

大腸癌症狀

姚志謙醫生表示大腸癌基本上有三類症狀，「第一就係腸胃症狀，例如肚瀉、便秘或肚痛，甚至大便有血等。第二類就係全身嘅症狀，即係會令人消瘦、食慾不振，甚至疲倦、好攰。第三類症狀就好少可嘅，叫做副腫瘤症候群，腫瘤有時會令免疫系統攻打自己嘅神經、肌肉。所以有啲人最初個腫瘤，最初都未有腸胃症狀之前，就出現咗肌肉萎縮、行路不穩，甚至可以影響視覺，視力會不正常。」

大腸癌成因

而大腸癌成因亦有很多，不過最重要的因素就是大腸癌由腸道瘜肉演變而成，姚志謙醫生表示：「我哋發現八成大腸癌都係由呢啲瘜肉演變。仲有一類少接觸一啲嘅，就鴿炎症性腸病，如果係患咗十年八年嘅呢，患大腸癌嘅風險都係會高。」

相關閱讀：75歲李琳琳聽力差要戴助聽器 13年前患大腸癌姜大衛停工貼心照顧

另外亦有研究顯示，吃得多加工製肉或紅肉都會增加大腸癌或大腸瘜肉的風險，而真正原因可能是加工製品有很多化合物，而癌症正是基因、細胞變異，而化合物就容易令細胞變異，或正是誘發大腸癌的成因之一。至於糖分近來亦有研究顯示可能會增加患大腸癌風險，因為糖分會令致肥，而肥胖本身就有導致患大腸癌的風險。姚志謙醫生表示：「大腸瘜肉或大腸癌細胞可以直接吸取腸腔內的糖分，從而增加生長的速度。所以有瘜肉、腸癌會惡化的風險都有機會增加。」

照腸鏡風險

姚志謙醫生表示照腸鏡並非完全零風險，而最擔心的風險就是如果腸內有瘜肉，取走瘜肉會流血，但一般來說只會輕度流血，亦能止血：「但如果真係流血得緊要，甚至有另一個風險，就係驚照嘅時候怕整穿條腸。」不過姚志謙醫生強調，風險整體來說只有0.01%，基本上是很安全的檢查。姚志謙醫生更分享照腸鏡原來有兩成機會漏診，而現時最新技術「人工智能腸內視鏡」將AI結合內視鏡便可大大減低瘜肉漏診的問題。

照腸鏡風險原來有風險？

鄧達智發現身體不妥即求醫

大腸癌現時有年輕化現象，及早求醫更有助根治。曾患大腸癌的鄧達智分享，他早於10年前發現胃口變差，亦有便秘問題，他即安排驗身發現患大腸癌：「當時旅行途中，我首先發現自己瘦咗好多，側身嘅時候發現自己盆骨豎起咗，於是我開始留意。後來我返到倫敦，就發現便秘，我從來都冇乜便秘。習慣完全改變晒，咁我就好留意囉！」最初醫生為他檢查，摸他腹部不覺有問題，照完內窺鏡確定是大腸癌。

相關閱讀：70年代當紅花旦狀態引關注！一原因惹網民憂心健康聽力剩兩成曾患子宮癌