54歲李綺虹懶扮靚愛自然:唔使搞咁多嘢 逾10年冇拍戲興𡚒演黑幫大家姐丨獨家
發佈時間:07:00 2024-05-07
54歲李綺虹最近由加拿大返港,同行還有加拿大籍老公Corey Solomonson及19歲全職運動員囝囝Sebastian。任職精神科護士的綺虹,去年拍新戲《Ruthless Bastards》,逾10年冇拍戲的她強調冇退出幕前,有啱角色仍會演戲。提到早前在社交平台Po素顏相成熱話,綺虹覺得奇怪,又自言懶化妝和護膚,因再拍戲才扚起心肝扮靚。採訪:杜杜 攝影:譚志光 髮型:Ivan Lee@ IL COLPO 化妝:Kinki Wong地:The AIR (The ONE)
綺虹在加拿大住在郊區,跟專心練習冬季兩項(Biathlon,即結合越野滑雪和射擊)的囝囝分開住,主動提出返港的囝囝,為了此行苦練廣東話,他即場示範,「唔該,畀杯可樂我」但侍應只回他英文,令他相當失望。綺虹稱囝囝自12歲後未有返港,因在當地間中見公公婆婆,所以講廣東話麻麻,但聽亦OK。
![19歲的Sebastian自小熱愛運動,幾歲已開始玩Biathlon。 19歲的Sebastian自小熱愛運動,幾歲已開始玩Biathlon。](https://image.hkhl.hk/f/1024p0/0x0/lr/sthl/ac240153c587a7feeccd2715b6329b4e/2024-05/19_0_2.jpg)
![已達國家級水平的Sebastian,不時在Biathlon比賽中奪冠。 已達國家級水平的Sebastian,不時在Biathlon比賽中奪冠。](https://image.hkhl.hk/f/1024p0/0x0/lr/sthl/ac0779eb118e800e1c3a47106d86dfe8/2024-05/20_1_0.jpg)
囝囝探班見武師斷手嚇親
在當地做精神科護士的綺虹,去年底拍了加拿大動作電影《Ruthless Bastards》,她稱因認識曾任特技演員,拍過《飛鷹計劃》等電影的方鐵偉(Bruce Fontaine)導演,「佢以前喺香港跟大哥(成龍)做武師,佢喺網上聯絡我。」由於她超過10年冇演戲,接拍後擔心應付不到,要導演心理輔導,「我話唔知得唔得,會NG太多次,拖慢進度,佢反而驚我唔拍,話可以逐句逐句嚟。」
![綺虹希望有發行肯將電影《Ruthless Bastards》安排在港上映。 綺虹希望有發行肯將電影《Ruthless Bastards》安排在港上映。](https://image.hkhl.hk/f/1024p0/0x0/lr/sthl/e205d18bc7ae6d70d42a1070ac09bf13/2024-05/21_1_0.jpg)
![戲中綺虹演經營地下賭場的黑道大家姐「周太」。 戲中綺虹演經營地下賭場的黑道大家姐「周太」。](https://image.hkhl.hk/f/1024p0/0x0/lr/sthl/d8d3110f2897a1aaaa32b5a608695ff0/2024-05/Ruthless_Bastards-Day16-145.jpg)
綺虹飾演經營地下賭場的黑道大家姐「周太」,有廣東話對白,由於其他亞洲演員中文更差,全靠她指導,「我喺香港中文最差,去到變咗中文最叻,我幫人哋發音,係咪好搞笑呢?!」最可惜她未有機會大顯身手,「今次個個有得威,我冇得有型。」囝囝知她是演員,亦有看過她的作品,「大打嗰場老公同囝囝嚟現場,我以為囝囝會好有興趣,但佢話『No』,覺得好危險,因為睇住武師打筋斗上枱,再打爛張枱,個武師真係斷咗隻手。」問Sebastian有冇興趣當演員,他說有機會都想嘗試。
![綺虹在戲中不用打,「呢個最失望!動作片唔畀我打。」 綺虹在戲中不用打,「呢個最失望!動作片唔畀我打。」](https://image.hkhl.hk/f/1024p0/0x0/lr/sthl/359b22aa6b90623247303ccf11e632fd/2024-05/Ruthless_Bastards-Day17-0164.jpg)
![1994年,綺虹參加港姐奪得季軍和最受傳媒歡迎獎入行。 1994年,綺虹參加港姐奪得季軍和最受傳媒歡迎獎入行。](https://image.hkhl.hk/f/1024p0/0x0/lr/sthl/7e94b1b2852bd1c0b4dcaffdc9e7b465/2024-05/1_8_10.jpg)
支持囝囝為追夢棄讀大學
綺虹強調從未息影,「冇退出,係越嚟越少人邀請就冇拍!」她坦認已半退休狀態,近5年做護士都是想做才做,演出亦不是為錢,如2013年客串好友楊采妮執導電影《聖誕玫瑰》,「你唔畀錢我都會做㗎,哈哈!幫朋友,好玩,有旅遊,好似上次同ViuTV去日本。」當年因工作量少,她決定返加拿大定居,笑言搵工令她好傷心,「麵包舖同油站都唔請,好失敗。」最後她想到媽咪患精神病,就修讀精神科護士課程,「冇大學證書都讀得,話晒大學畢業,好似有少少退步。」她覺得護士很有意義,體力容許都會一直做,「做到70、80歲,真係enjoy!」
![1994年,綺虹拍住黎明主演劇集《阿Sir早晨》。 1994年,綺虹拍住黎明主演劇集《阿Sir早晨》。](https://image.hkhl.hk/f/1024p0/0x0/lr/sthl/1df63b782dc617f0ef53164f6e50aa98/2024-05/3_4_5.jpg)
![2019年,綺虹為ViuTV拍攝《香港親善小姐》。 2019年,綺虹為ViuTV拍攝《香港親善小姐》。](https://image.hkhl.hk/f/1024p0/0x0/lr/sthl/4376e763d14ef94821bd009aecaa356d/2024-05/a.jpg)
綺虹又好支持囝囝為追夢,放棄讀大學,轉做全職運動員,「我會緊張啲人問佢點解唔讀大學?最重要佢開心,做自己喜歡嘅嘢,有咩問題呢!?」對於當年誤打誤撞參選港姐,她稱選完就過另一種生活,「好多謝香港觀眾同所有人。」她又重提當年投資失利,「喺香港見投資者,當時喺加拿大起緊屋,又蝕咗少少錢,好緊張,經理人話『你緊張係因為你有錢去投資、買樓,如果你冇咁多錢,唔會緊張,只會努力去打工』,呢啲係物質嘅煩惱,唔係冇飯食嘅煩惱。」
![綺虹與Corey於2004年結婚,並誕下 Sebastian。 綺虹與Corey於2004年結婚,並誕下 Sebastian。](https://image.hkhl.hk/f/1024p0/0x0/lr/sthl/8e1fe94558ed55a6e8d2d0736558915b/2024-05/8.jpg)
![綺虹跟老公在加拿大過住半退休生活。 綺虹跟老公在加拿大過住半退休生活。](https://image.hkhl.hk/f/1024p0/0x0/lr/sthl/f46ace06c63b0d40ffdfb2aee07ec6ec/2024-05/d3798619-2ba6-4249-91ff-21967104cc46.png)
早前綺虹貼出素顏相被討論,她稱試着自然老去,「唔使搞咁多嘢,見香港之外,外國啲女仔20幾歲已經整,我想睇吓完全冇傷口,20、30年後個樣會點,同人哋比較吓。」她冇做幕前,不但少化妝,連護膚都懶,「我近年眼有問題,油脂分泌塞住,醫生搵Facial儀器幫我通返,又送咗啲護膚品畀我,一搽啲皮膚光咗,有少少上癮,同埋受拍戲刺激,畀啲錢整返靚自己。」
![綺虹早前貼上素顏近照,引起外界熱烈討論。 綺虹早前貼上素顏近照,引起外界熱烈討論。](https://image.hkhl.hk/f/1024p0/0x0/lr/sthl/f21d4ab67937256ffd336fb028c697c2/2024-05/12_4_0.jpg)
![綺虹直認以往很懶化妝和護膚。 綺虹直認以往很懶化妝和護膚。](https://image.hkhl.hk/f/1024p0/0x0/lr/sthl/b18fa4e958353c423fd985bfa7041a33/2024-05/023ff6fb-e963-475d-87bd-aca645309889.png)
《星島申訴王》推出全新項目「我要讚佢」欄目,現誠邀市民投稿讚揚身邊好人好事,共建更有愛社區。立即「我要讚佢」︰https://bit.ly/3uJ3yyF
想睇更多精彩內容,請立即瀏覽「區區有申訴」活動專頁,https://bit.ly/41hgS9E
《星島頭條》新網站有更多精彩內容:http://www.stheadline.com/