早D知早D醫丨醫生拆解鼻咽癌與食鹹魚有關？現三大病徵要即求醫 張達明初期徵狀輕微
發佈時間：10:00 2024-05-09
由洪永城、宋宛穎、何沛珈及魏韻芝等主持的《早D知早D醫》昨晚播出的一集，請來張達明擔任嘉賓，分享對抗鼻咽癌的生路歷程。張達明在節目中與洪永城齊齊跑步，向來跑開長跑的洪永城亦大讚對方狀態OK，張達明表示：「跑咗五年，但最近三年唔跑住，因為要做治療，跑多啲、跑遠啲係啱嘅。」
相關閱讀：早D知早D醫丨兩類人屬乳癌高危人士！可用四招自我檢查 林淑敏摸硬塊抽出椰絲狀組織
早D知早D醫丨張達明患癌初期病徵？
張達明透露當時發現患鼻咽癌前的病徵：「流鼻血，流一兩滴，唔係不停流。」張達明指假若是平常不會去看醫生，但當時戲劇協會找他演舞台劇：「台上邊抹唔到，不如去睇醫生，滴下藥水唔流咪無事囉。」可惜後來張達明發現自己患上鼻咽癌。張達明透露當時兩邊鼻腔都是第一期：「但係中間影響兩邊鼻腔，變咗第二期。」洪永城問到張達明的患病原因，張達明坦言：「醫生話唔好食咁多煙，最主要係煙；同埋呢個叫『廣東鼻咽癌』，人哋話成因係食得鹹魚、醃製食物多。」
張達明鼓勵患病者及早求醫
張達明透露當時患癌的心情是分為兩個階段：「第一階段係可能患上鼻咽癌，呢一刻已經好驚；跟住醫生話確診，心情就係驚、心痛。」談到長達7年的電療及化療抗癌治療，張達明坦言四肢無力、聽力受損，他還鼓勵患病者及早求醫：「大家有病唔好太擔心，好好去醫治，好大機會康復。」張達明亦勸喻如果經常流鼻血，就要盡早求醫：「我去睇醫生時，好精神，鼻血唔係不停留，一日流一滴，結果患咗鼻咽癌，所以大家要保持身體健康，（有事）早啲睇醫生！」
張達明早前被指骨瘦如柴？
鼻咽癌與食鹹魚有關？
港怡醫院頭頸腫瘤治療中心聯席總監陳汝威醫生，在節目中表示如果聽力變差、出現鼻塞、流鼻血，可能是鼻咽癌先兆，如果出現這三項徵狀最好盡快求醫。陳汝威解釋指鼻咽癌與常見的EBV病毒有關（人類疱疹病毒第四型）：「全球超過九成已經感染過呢種病毒，呢種病毒好似冬眠咁，匿埋喺身體。」
至於香港與廣東地區特別普及，陳汝威醫表示指：「或多或少同我哋基因有關，基因加EBV病毒令細胞突變，就會變成鼻咽癌。」至於食鹹魚、醃製食物，醫生指：「喺科學研究數據方面，亦都唔係話一定有關係。」
其他文章：
早D知早D醫丨打麻雀無助防認知障礙症？陳欣健太太50歲發病 常服一藥物或有影響
早D知早D醫丨《中年2》選手糖尿上眼致失明 驚揭曾日飲7罐汽水 有四大病徵要急求醫
早D知早D醫丨身體現三情況或已患大腸癌！ 鄧達智分享患癌先兆 康復期補品大公開
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
