香港婚後事丨未婚羅天宇被單立文寸「喺TVB逐個揀」 緋聞女友多女神 竟是性感女星初戀
發佈時間：17:30 2024-05-11
昨晚（10日）播出的TVB節目《香港婚後事》除了主持之一的陳自瑤談「出軌」話題引起迴響，嘉賓單立文寸爆節目中唯一未婚主持羅天宇「喺TVB逐個揀」，亦成為網民討論焦點。
相關閱讀：香港婚後事丨陳自瑤談出軌有感而發？大爆有人專向有婦之夫埋手：有啲人道德觀念好弱
羅天宇被單立文寸爆「喺TVB逐個揀」？
現年36歲的羅天宇2008年參加香港先生入行，多年來緋聞比工作更受關注，由於緋聞女友個個都非常高質素，因此被封「女神收割機」。羅天宇早已到適婚年齡，但仍給人未定性的感覺，就連單立文作客《香港婚後事》都忍不住問：「係咪真係搵唔到，揀揀揀……要揀好多，要喺TVB逐個揀？即係喺藝員部……七樓係咁睇啲相？」連陳自瑤與賴慰玲在旁都忍不住爆笑。
羅天宇直言趕結婚
羅天宇表現無奈，不敢多言，最後表示：「我覺得……其實方向都係想結婚，或者生小朋友嘅，但可能後生嘅時候都會……我諗分階段啦，一開頭對婚姻係覺得，哇！一開頭覺得好鍾意，呢個一定要結婚嘅，一定係向住嗰個方向嘅。但開始慢慢落去會覺得，好似唔係咁順利喎！或者呢個唔係嗰個，或者去唔到（結婚）嗰步，咁去到中段就覺得都係睇定啲先。」不過近來心態似乎有些轉變：「而家真係年紀大喇，如果核要小朋友真係……都想盡快。去到而家開始係……好似有少少趕。」單立文奉勸他不要趕結婚，事關他也是到50歲才結婚，認為羅天宇應該慢慢挑選適合過一生的對象。
相關閱讀：羅天宇女神收割機暗撻東張女神？打籃球萌愛意 2022年去豪宅已見家長
羅天宇曾與哪些女星拍拖？
羅天宇「女友」位位女神級
羅天宇過往有不少緋聞，而且大部份都是曾經效力或現職於TVB，難怪被單立文寸爆「喺TVB逐個揀」。羅天宇多年來只認愛過三個女友，其中包括Coffee林芊妤、苟芸慧及湯洛雯，有指羅天宇更是Coffee林芊妤初戀男友。另外，羅天宇的緋聞女友還有蔣家旻、高海寧、陳瀅、何依婷、戴祖儀與陳曉華等，不少都是港姐級人馬。而早前羅天宇緋聞名單又新增一位女神級美女—26歲前港姐兼「東張女神」陳懿德，有指早前二人因結伴到大球場睇七欖，還以圈中女性好友作掩飾，被傳早已暗暗撻著。
其他文章：
婚後事丨羅天宇被色誘走廊激吻險做錯事 觸碰女方敏感部位被大特寫
前亞視主播驚爆成羅天宇「約炮對象」投訴離譜 TVB發聲明：所有相片均合法取得
「女神收割機」羅天宇與陳曉華遊日po相洩「蜜」異性緣極旺對象全部係女神
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
