東張西望丨何伯自認清醒「邊個女人呃我，我一定睇得通」 何太強調注重名聲：邪不能勝正

早前TVB節目《東張西望》因訪問發展忘年戀的何伯夫婦掀起全城熱話，早前《東張西望》已預告何伯夫婦將會再度受訪，引來全城期待。不過觀眾本以為昨晚（12日）《東張西望》會見到何伯夫婦現身，最終何伯夫婦只出現在預告環節，令網民大失所望。而今晚（13日）何伯夫婦終於現身，再度受訪一一反擊外界批評及質疑。

相關閱讀：東張西望丨「東張女神」玩劇透！向大灣區網民預告何伯訪問好精彩：今晚唔播就反枱

東張西望丨何伯夫婦再度受訪：

何伯早前為相識3個月就再婚的妻子與5名子女反目，細女更疑因防止後母用何伯的積蓄做生意，因而搶先女將聯名戶口中的450萬元取走，引起何伯夫婦不滿並於《東張西望》大控訴。不過節目播出後，不少網民都認為何太新婚時，已提出想何伯拿出100萬元給她做生意，質疑何太貪財，對何伯並非真愛，網民更群起力撐何伯的子女。今晚何伯夫婦受訪，何太在鏡頭前重申自己地位：「我名正言順，成為咗合法夫妻嘅話，佢哋就冇咗繼承權。」何伯與何太槍口一致對外，認定何伯的子女貪圖何伯的家產。
 

相關閱讀：東張西望丨何伯夫婦無影網民勁失望！釋出新預告何太再示愛 何伯認定子女爭遺產

何伯Man爆護妻：我當佢哋瘋狗

何伯指近日與太太都有關注外界批評他們的言論，何太更指看批評她的留言看到凌晨，何太指：「對我不懷好意先會咁樣踩我。」何伯更指非常心疼太太被罵：「我愛錫我老婆㗎嘛，你咁樣鬧法，我真係好心痛。」但面對批評，二人更齊心，何太表示：「當有個好人出嚟講句公道說話又畀人打擊咁，又鬧人哋係咪一夥，質疑佢係嗰個18歲嘅仔，又或者你係咪嗰個肥大陸婆呀！」何伯Man爆護妻：「攻擊我哋嗰啲人，我當佢哋瘋狗。」

何伯再狠批子女貪財

何伯指批評他們的人並不了解他的家事，又再於鏡頭前狠批子女貪財：「佢哋（網民）信晒嗰班反派，嗰5個忤逆仔女，我真係唔會嬲，我嬲……我爆血管啦！佢哋唔識……佢哋唔理解，佢哋知唔知我細女捲走晒我啲錢呢？」對於子女不支持他再婚，他表示：「我帶錯咗佢哋嚟呢個世界，點知佢哋個心咁，攞晒我啲錢走，想我死！根本想我死！咁就佢哋分囉，佢哋5個分囉，450萬，每人分到90萬，個個袋袋平安囉！」何太指即使何伯娶的是其他女人，子女一樣會反對，因為認為他們只看重何伯的家產，何太指：「佢娶個女人唔係我，佢哋一樣反對，你信唔信？因為為咗繼承權囉！因為我名正言順，成為咗合法夫妻嘅話，佢哋就冇咗繼承權，所以佢哋咪先落手為強，捲走晒我老公啲錢，等我老公一分錢伙食都冇。」

相關閱讀：東張西望丨網上瘋傳何太三大背景！疑三度結婚 傳避走內地狂呻被抹黑

東張西望丨何伯夫婦多番被「捕獲」？

何太有骨氣拒典當靚錶

雖然現時何伯儲蓄只剩4200元，但有骨氣的何太為了不令人覺得她為錢而嫁何伯，她出私己錢養起老公，就連老公叫她將手錶典當，她亦拒絕。何太表示如果她將何伯的手錶典當，何伯子女一定會認定她是騙子：「我頂唔順呀！因為我係好注重名聲嘅人！邪不能勝正！我哋為人正直！我哋會堅持走正確的路。」

相關閱讀：東張西望丨何伯夫婦「全副武裝」逛街市共度患難不忘煲湯？ 網民關心邊個畀錢

何伯夫妻談生意大計

不少網民認為何太想何伯拿出100萬元做生意，因此質疑何太的為人，二人解釋本打算用100萬元做飲食生意，何伯表示：「生意有大做大，有細做細。」何太心有不甘表示：「又話我呃佢錢，又話我會袋嗰100萬落袋，就唔會去創業做生意。」說到何時開始有做生意的念頭，何太表示：「我哋價值觀係一樣嘅！我都會錫住我老公啲錢，首先攞100萬出嚟先，即係就住就住開支囉！睇吓開唔開到檔。我都想賺多啲錢返嚟同佢一齊享受。」何伯指因為有感何太仍然年輕，打算讓她做飲食生意：「我就緊係想個老婆生活過得好啲啦，生意做得落去咁佢就唔使憂。」何伯亦坦言有心理準備會虧錢，只是想以100萬元來當試金石。何伯指錢是他賺的，而且非常清醒，不如外界以為他很好騙，更反指銀行跟細女串通，將他戶口內的錢調走。何伯對於外界指女兒是想為他保管積蓄，他反指別人不知內情，「如果保管到我死，咁我點做生意呀，我仲想上大陸發展添！我想上珠海發展！」

相關閱讀：東張西望丨何伯內地妻鏡頭前後語氣大不同？ 激動插嘴糾正老公用詞引熱議

東張西望丨何伯再婚故事：

何太：佢哋太膚淺

對於外界質疑何太看上何伯甚麼、認定她是貪錢的女人，何太表示：「佢哋太膚淺啦！我咪鍾意佢愛錫我，我覺得幸福囉！佢幾捨得呀，又送呢啲（珠寶），試問有邊個女人唔希望搵到個愛錫自己嘅老公？唔通我老公愛錫我都有罪 ？都要畀啲世人用唔好嗰啲眼光睇佢？應該羨慕我先生先啱！女網民應該羨慕我有個老公錫我先啱，唔係咁樣攻擊我哋，話我呃佢錢，我從來唔呃人一分一毫。」何伯亦自信表示：「根本我就挑通眼眉，邊個女人呃我，我一定睇得通。我10幾歲嚟香港，我跑過江湖，我知㗎！我認為佢老實，靠得住，咁咪娶佢。」何太指：「就算我老公90歲、100歲，佢都係錫我，我一樣係愛佢。我份人好簡單，我唔理佢年齡幾大，總之佢識得受錫我就得。點解要當人哋獵物呀，我當佢係寶，好唔好？呀……啲人真係奇怪！」

相關閱讀：東張西望丨何伯老婆疑似Hermès袋要價逾百萬真假難分？ 類似款勞力士超多名人追捧

何太聞兒子的話悲從中來

對於有網民對何太說：「貪到何伯啲錢，因住冇命享。」何太表示曾對兒子說：「何伯已經冇錢」，更一度悲從中來：「佢臨老過唔到世，好淒涼，我囝囝就話『我唔讀書，我出去搵嘢做賺錢，返嚟養阿叔』，我好感動。」何太被主持梁敏巧問到如果450萬拿不回來，會否打工養家，她表示：「我一定會諗到生存的方法，我老公唔畀我自己出去打工，無論我而家去邊，我都會帶住佢。我或者返大陸擺個地攤檔，喺街邊煎牛扒畀人食我都會帶埋佢。」向何伯許下承諾，二人一同面對往後的路。
 

其他文章：

疑似何伯夫婦回港上《東張西望》再控訴？阮兆祥「神複製」新何太激似度99%超爆笑

東張西望丨76歲老翁搭上43歲內地婦火速再婚 與五子女反目450萬存款不翼而飛？