東張西望丨揭秘何太追求何伯4大手法！每日煲湯焗花旗蔘水認識第一日即求介紹男人

更新時間：20:35 2024-05-14
發佈時間：20:35 2024-05-14

TVB《東張西望》報道76歲何伯與年輕逾30年的何太閃電再婚故事，引起全城關注。昨日播出的訪問，何伯與何太為網民言論大反擊，何伯狂轟網民是「瘋狗」，還自認清醒說：「邊個女人呃我，我一定睇得通！」今日（14日）《東張西望》播出的訪問，何太反擊街市檔主指她處心積累送上「迷湯」，「尋找獵物」。

東張西望丨何太被爆追求何伯手法？

街市檔主讚何伯心地善良

76歲何伯與新何太在屯門屋邨街市相識，今日《東張西望》訪問街市報紙檔的陳生陳太，還原何伯與新何太的相識經過。陳生陳太指何伯為人疏爽，經常會請人食飯。陳太指：「阿伯（何伯）成日企喺報紙檔門口，同人哋吹水，打發時間，每日都留6至8個鐘先返屋企。」陳生亦指：「一嚟就喺報紙檔買份報紙，好似晨運咁，行來行去同人打招呼、傾偈。」陳生與陳太亦大讚何伯為人健談、心地善良：「佢對我哋兩個都好好。」

何太第一日已問何伯關係

陳生與陳太指當時新何太到街市擺臨時攤檔：「賣花膠、海味、花旗蔘，啱啱喺正報紙檔對面，擺15日，最後嗰日係年三十晚。」陳生與陳太直言何太到街市已周圍跟人說：「離婚五年，同阿伯講想搵個男人，問有冇男人介紹畀佢，跟住就話自己有個18歲仔。」陳太更表示，何太第一日就問何伯跟她是甚麼關係：「畀人嘅感覺，係咪父女嗰啲，咁我唔知啦，可能傾無謂嘢。」

何太第三日已經煲湯

陳生陳太表示在第一日已經勸何伯：「第一日都勸佢小心啲，點解呢個人會講自己呢啲嘢出嚟搵男人。第三日煲湯，我同佢講『唉啊！你唔好飲啦！』。」陳太更表示當時何伯顯得非常開心：「仲話有人蔘、花膠、鮑魚，你都飲啦，係咁叫我飲。我話我唔飲，人哋煲畀你嘅，但係你都唔好飲啦，識咗人幾耐啊！」

相關閱讀：東張西望丨梁敏巧被何伯摸大髀？容羨媛轉發一圖關注何伯婚姻狀況

東張西望丨何太大再晒流星錘大龍鳳鈪！

何太每日焗花旗蔘水

陳太續指何太每日焗花旗蔘水、果皮水給何伯：「日日都有一壺畀佢，跟住佢哋互相買飯食，同埋剝定個橙畀佢，剝晒皮㗎喇！」陳生更直言：「以我男人講度嚟講，已經知出事啦，你識咗人幾多日啊？第二日就煲湯畀佢飲。我睇夜晚檔多，佢（何伯）通常5、6點返屋企煮飯，自從嗰個女人來開檔，我問『何伯你仲唔走』，佢話『佢（何太）叫我等埋佢行返屋企。』我話『你自己諗喇！』」

何太每日叫何伯等收工

陳生續言：「我哋唔係唔想佢好，有個女人照顧佢，我哋都唔知幾開心啦；但無奈，我真係見到個女人擺明呃你，我都同佢好多次，佢話『唔係啲咁樣嘅人』。」陳太表示當時何太擺檔15日，她勸足何伯15日：「隔籬擺檔、打工嘅都勸過佢，半個街市都勸過佢，話『小心啲，呢個女人唔簡單，可能呃錢㗎』，日日見佢黐住佢返工放工食飯，同埋啲對話，話做佢個女、老婆。」陳太指當時何伯喜歡與街市的人分享，因而街市的人都紛紛勸他：「唔好跟住佢喇，驚佢呃你錢，點會嚟幾日就想做你老婆。」

檔主苦勸：唉……醒吓啦！

陳生與陳太最後更隔空向陳伯喊話，陳太表示：「何伯，其實我要講嘅嘢呢，個女人擺檔15日，勸足你15日，但係你唔聽我話。」陳生則說：「雖然我兩公婆唔係識你太耐，但日日都見到幾個鐘，你又當我哋好似啲仔女咁。我都唔想你為咗個女人，搞到屋企咁，幾個仔女又唔係對你唔好，何必要搞到咁呢？啱唔啱？唉……有時都……醒吓啦！」

另外，陳太又爆街市的髮型師與何太互加微信：「佢（髮型師）話梗係唔畀電話佢，畀老婆知，點算啊，微信就是旦啦。」髮型師接受《東張》訪問，直言：「我唔係懵，睇人咁多，一睇佢講嘢就知佢釣梗魚！」

其他文章：

東張西望丨何太為珠寶名牌袋解畫！再晒何伯所贈10萬元流星錘龍鳳鈪梁敏巧睇到嘩嘩聲

東張西望丨何太突轉口風為應付生計已變賣流星錘龍鳳鈪網民質疑前言不對後語

東張西望丨疑似何伯子女公開宣戰拒養後母？「新何太」隔空反擊：錢一定拿回來

東張西望丨何伯夫婦「全副武裝」逛街市共度患難不忘煲湯？網民關心邊個畀錢

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

緊貼最新最快新聞資訊，請立即下載星島頭條App：https://bit.ly/3Q29Vow