香港婚後事丨陳自瑤罕談離婚！與王浩信傳婚變多年：格硬死搲都冇辦法
發佈時間：17:00 2024-05-17
由陳自瑤、賴慰玲、黎諾懿及羅天宇主持的TVB節目《香港婚後事》，逢周四及周五晚上於翡翠台播出。今晚（17日）播出的第8集，請來曾有兩段婚姻的龔慈恩作嘉賓，探討「離婚」議題。
相關閱讀：香港婚後事丨陳自瑤談出軌有感而發？大爆有人專向有婦之夫埋手：有啲人道德觀念好弱
香港婚後事丨陳自瑤罕有談離婚？
龔慈恩在節目中分享對夫婦離異的見解：「冰封三呎，非一日之寒，比較傳統啲嘅女性，仔女係佔咗佢（生活）一大部分，佢可能喺某一段時間係完全忽略咗自己，將啲時間、精神、責任擺晒喺仔女身上，到某一日突然間醒咗，佢會意識要有自己人生，咁會令到有番咁上下年紀嘅人有離婚嘅意識。」
近年與王浩信多次傳婚變的陳自瑤則認為：「一段關係係雙方（付出），可能你好想為小朋友保持一個美滿家庭，但可能對方唔想，可能佢個心已經走咗，你格硬死搲都冇辦法，有啲嘢唔係一個人可以做到，呢啲情況就冇得選擇。」
龔慈恩不抗拒再婚
黎諾懿又分享指香港每年約有過萬宗離婚個案，而離婚手續亦日漸簡化，對此賴慰玲認為「離婚」變得流行：「大家覺得（離婚）冇咁大件事，即係兩個人婚姻（如果）出現咗問題，然後就（咪）離婚囉，唔去解決。」賴慰玲續指近來香港出現移民潮，不少夫婦亦因移民衍生的問題而鬧離婚。至於問到龔慈恩找到適合的人會否考慮再婚？龔慈恩坦言：「會嘅，我覺得現階段係需要伴多啲，再唔再婚係另一個問題，但我唔抗拒。」
相關閱讀：婚後事丨陳自瑤寂寞難耐找黎諾懿慰藉！激吻啜到嘴唇通紅 內衣上陣拍親熱戲
陳自瑤更多靚相：
羅天宇嬲細佬高半個頭
單親家庭長大的羅天宇坦言仍然相信愛情，希望將來可以給小朋友一個完整家庭。羅天宇有一位同母異父的弟弟胡㻗，兩兄弟感情要好，羅天宇笑言自己就像「白老鼠」：「我媽覺得呢個方式教仔唔係好掂，下個就會試用另一個方式，調整吓再做個好啲嘅出嚟。」
羅天宇透露年輕時就像受保護動物，媽媽對他管教非常嚴格，就連放學後都不准出街打籃球，他笑言：「我好嬲呢樣嘢，我同細佬係唔同爸爸，我爸爸高過細佬爸爸，但我細佬高過我半個頭，點解釋吖？真係好嬲呀！龔慈恩個仔咁高，都係因為打籃球，我細佬去到中學時期，我媽叫佢打多啲籃球，唔好似阿哥，細佬係成功嘅實驗品。」
香港婚後事丨陳自瑤談出軌有感而發？
黎諾懿今集化身「教煮」指導羅天宇煎牛扒，只需利用一樣神秘醬料，便能將幾十元的牛扒煎成貴價口感，賴慰玲試吃完後果真傻傻分不清哪一塊才是貴價牛排，黎諾懿說：「只要搽一搽（該醬料）啫，再拎去煎，就做到一塊去扒房先食到嘅香濃牛味道！」究竟神秘醬料是甚麼？節目自有分曉。此外 賴慰玲還分享了在職媽媽的辛酸，更講到眼濕濕，她大爆兩次在啟德郵輪碼頭拍劇時，仔仔皆因故入醫院，不禁令她對啟德郵輪碼頭有陰影！
其他文章：
王浩信堅持做一事曝光「專一」舉動 陳自瑤突稱「無論如何我都會離婚」掀網民熱議
陳自瑤提王浩信再現經典表情！ 口啞啞10秒靠「離婚老公」解圍？
陳自瑤TVB頒獎禮黑面圖再掀討論！身旁全是《新聞女王》演員 網民：應該客串一角
王浩信新相揭露家庭狀況？元宵節慶祝節目曝光 網民尋陳自瑤蹤影
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
