37歲支嚳儀人氣勁印傭亦變街市紅人 素顏大媽變歌手興奮攞正牌扮靚丨獨家
發佈時間：08:00 2024-05-24
37歲支嚳儀（Venus）雖然喺第一季《中年好聲音》7強止步，但仍獲TVB簽為歌手，最近更推出首支原創單曲《Gotta Try》，強調等了37年終圓歌星夢的她形容不可思議，最開心做幕前可以畀藉口自己扮靚，連5歲囝囝都自豪有個索媽。採訪：方騫平 攝影：鄧國良
支嚳儀性格樂觀，所以處女新歌唱出堅毅不屈嘅精神，邊唱邊浮現當初經營烘培店及參加《中音》的奮鬥史：「大學畢業後不停摸索出路，教過書、做過銀行及珠寶，到最後選擇創業，不過，途中曾被打壓，試過俾廚師睇唔起冷待；去到參加《中音》時都『中箭』，甚至有惡毒人生攻擊，如抨擊唱《愛情陷阱》好難聽，唱到似怨婦歌咁。」面對負評，Venus會反省，「綜合前輩教路，藝人如同一件藝術品，部份人會主觀喜愛；相反都會有人否定佢嘅價值；唔會得到所有人鍾意及認同，所以唔使太介懷，好似做生意咁，要認清銷售對象，目標為本。」
好鍾意做嘢拒做少奶奶
隨住Venus知名度增長，連家人都受到關注，對於網民大讚支嚳儀媽媽顏值爆燈，氣質超越女兒，Venus透露媽媽勁開心，甜到好似食咗糖：「我嘅音樂造詣係媽媽畀我，媽媽都係唱得之人，都鼓勵佢參加《中音》發揮才能。」除媽媽外，Venus的印傭姐姐同樣成為街市「紅人」：「有次佢着住我嘅粉絲會服去買餸，街市啲姐姐拉住佢『索』我料，仲送咗條紅衫魚畀佢！哈！可能見我咁忙，佢照顧我會好辛苦要補吓，好搞笑。」Venus自言係時間管理大師，唔使開工就做返素顏大媽，零包袱去湊仔、去買餸：「幕前工作會令我更有自信，會有打扮動力，阿仔見我咁會好開心話『媽咪你好靚！』，而且我鍾意被需求，喺屋企係媽媽角色；喺公司要培訓及鼓勵員工；Fans又需要我嘅力量，所以少奶奶唔係我人生嘅選擇。」
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
