東張西望丨何太與前夫都係忘年戀！患抑鬱激動落淚何伯睇疑似愛妻骨妹照靠一部位辨認

更新時間：22:00 2024-05-28
發佈時間：22:00 2024-05-28

今晚（28日）TVB節目《東張西望》播出何伯與何太第三度受訪片段，何伯與何太繼續晒恩愛，以行動證明沒有被外界閒言影響婚姻。何太更一一回應近日傳言，平息網民好奇心，更否認被指曾在東莞做「骨妹」一事。

何太曝光更多上段婚姻細節？

何太早前被網民翻出在抖音開設帳號，命名為「千語BB生活錄語」，何太指自封「千語BB」全因覺得名字可愛，她表示自己是林峯粉絲，亦喜歡林峯的「女朋友」吳千語，看來何太未有關注到林峯與吳千語其實已經分手多年，早已各自成家。而何太的抖音中，幾乎每條影片都講錢，更教網民「釣金龜」，又稱與伴侶交往應該開口提及金錢，被認為露出貪錢本性。何太今晚於《東張西望》表示：「有啲女人好善良、好忠直，畀啲騙子男呃過，所以我呢方面有啲提醒，提醒畀到啲受害嘅善良人聽一聽。真正喺自己面前出現一個真係好好嘅男人，又好愛護自己，又係個好懂感恩嘅人，我當然係要去維護呢種人。」何太更直言現時不會選擇一個窮光蛋伴侶：「因為我經歷過失敗呀嘛！」

東張西望丨何伯受訪緊盯何太心口？

何太因失敗婚姻患抑鬱

何太指對前夫付出過真心，對方卻對她家暴，令她有陰影，何太更因此患上抑鬱症，曾經看醫生求助，受訪時更悲從中來突然激動落淚。何太表示：「有情飲水飽？我而家唔係好信有情飲水飽呢回事囉，因為我經歷過。」何伯亦表示：「有情緊係飲水飽啦，睇吓嗰啲咩水嚟咋嘛！（咩水呀？）緊係靚嗰啲水啦，礦泉水，買隻靚嗰隻啦！唔通飲生水喉水咩？」何伯發揮幽默本色，哄得在旁的何太哈哈笑。何伯亦深信何太不會離開他：「佢唔會釣金龜囉！如果佢釣金龜，而家我冇晒錢，佢仲唔走？仲唔離開我呀？」何太表示：「係呀，日日咁畀人折磨仲同佢喺度捱。」

何太上段婚姻也是忘年戀

何太透露，與前夫亦是忘年戀，而且前夫與現任老公同樣姓何，她表示：「我同我前夫年齡差22歲，咁而家呢個老公差30歲多啲，所以年齡唔係我考慮嘅因素。」何太表示與前夫難以溝通，對方多次咒罵她，形容上段婚姻是生不如死，起初因為放不開兒子而堅持至今，指離婚一刻好開心，猶如脫離苦海。

相關閱讀：何太直播與何伯咀嘴咀到啜一聲！冧爆：佢一晚五次㗎疑袋逾萬元課金

何伯夫婦多次被捕獲舉動掀討論？

何太否認曾做「骨妹」

何太早前被網民指曾在東莞做「骨妹」，與不少男士有過不可告人的「親密關係」，更提供一張聲稱是何太做「骨妹」時的照片，指她當年藝名是「小燕」。何太與何伯一同看「小燕」的照片，何太否認曾做「骨妹」，她表示：「點會咁靚呀，緊係唔係啦，我冇咁靚呀！」何伯亦表示相中女子絕對不是何太，指何太的嘴巴跟相中人不同：「我就知道喇，佢個嘴邊有咁大，呢個嘴大啲，佢個嘴好細。」何太亦否認曾在卡拉OK做「媽咪」，表示過去只在中、西餐廳打過工。何太之前因上《東張西望》被抨擊，豈料原來因禍得福，據她透露除了有公司找他們合作，她更打算直播賺生活費，以行動證明可以跟何伯共患難。