55歲伍詠薇被勒令增磅慘呻:真係食極唔肥 蔡一傑一句激勵𢱑撈成功簽英皇丨獨家
發佈時間:07:00 2024-06-03
入行35年,55歲伍詠薇坦認演出機會買少見少,主動搵大樹遮蔭,最近宣佈加盟英皇娛樂,未來繼續拍戲之餘,愛分享的她自覺最啱做真人騷,所以作出呼籲。目前為配合公司要求努力增磅,可惜緊張性格加體質,令她「食極唔肥」,呢四隻字應該激嬲唔少中女。採訪:杜杜 攝影:錢文坤 髮型:Debby Kwan@iHair 化妝:Henry Li 服裝:@aliceandolivia_hongkong、@ecco 場地:Greenhouse Times Square by Gaia Group
自2021年約滿邵氏後,伍姑娘再簽英皇,「不論內地或香港巿場都僧多粥少,演員多工作少,競爭大咗,唔可以單打獨鬥,我考慮咗好耐,係咪需要簽間公司?正所謂大樹好遮蔭。」閨密蔡一傑的意見令佢「叮一聲」,「佢話『老伍你仲係咁好狀態,做戲個樣仲得,又唱歌、主持咁多瓣,會唔會有間公司幫一幫會好啲?』我話『其實都諗過』。」
![伍姑娘簽英皇後,感激老闆楊受成博士主動接見。 伍姑娘簽英皇後,感激老闆楊受成博士主動接見。](https://image.hkhl.hk/f/1024p0/0x0/lr/sthl/4956127bfd8661f0ffef8029f5934d9e/2024-06/04_1_0.jpg)
![伍姑娘形容傑仔是生命中不能缺少的人,多謝對方百忙中亦關心她。 伍姑娘形容傑仔是生命中不能缺少的人,多謝對方百忙中亦關心她。](https://image.hkhl.hk/f/1024p0/0x0/lr/sthl/8c6ffa746fcdf233e1c970d9190715bf/2024-06/01_1.jpg)
拍戲好開心冇入錯行
因為蔡一傑一句,「英皇都幾啱你,試吓之嘛又唔使死」,伍姑娘就主動搵英皇傾,「同英皇傾咗兩三次,好慶幸佢哋仲覺得我有商業價值,有好多可能性,我諗睇中我呢個年齡層嘅女演員唔係咁多,觀眾見我少咗,對上一次已經係《金宵大廈2》,都覺得我演技大進步。」老公和家人亦支持她的決定,「屋企人唔反對,最緊要我做得開心,而老練最開心見我每次演戲返嚟,係咁講演咗啲咩,演多次畀佢睇,證明我好enjoy工作。」講笑話自己已94歲,一把年紀的她好快樂,「有啲人返屋企會呻,我冇乜嘢呻,證明我冇乜仇家,過程愉快工作開心,我係帶住份開心返屋企,證明冇入錯行。」
![伍姑娘跟兩個哥哥感情好,會互相支持。 伍姑娘跟兩個哥哥感情好,會互相支持。](https://image.hkhl.hk/f/1024p0/0x0/lr/sthl/88d02bf6100650361ebd2399bab82964/2024-06/02_6_1.jpg)
愛分享私事啱真人騷
之前冇工開伍姑娘不斷增值自己,儲埋不少「彈藥」,「我睇好多戲、好多書,鍾意搭公車,會好無聊坐喺度睇好多人點郁點走。」她認為近年盛行的真人騷好啱佢做,「我真人啲嘢都好open,好容易分享畀你哋聽,冇包袱肯講自己嘢,我好鍾意做專訪同記者傾偈,好似好耐冇見嘅朋友會雞啄唔斷。」
![伍姑娘睇完黃綺琳送的書及電影《填詞撚》,研究埋填詞。 伍姑娘睇完黃綺琳送的書及電影《填詞撚》,研究埋填詞。](https://image.hkhl.hk/f/1024p0/0x0/lr/sthl/456a8ee1cdec1705673326b1301c9559/2024-06/03_4_0.jpg)
![伍姑娘早前跟公司同事齊出席導演會春茗。 伍姑娘早前跟公司同事齊出席導演會春茗。](https://image.hkhl.hk/f/1024p0/0x0/lr/sthl/8282f1ed2b288723eb25b218e599601c/2024-06/07_1_0.jpg)
![2022年,伍姑娘快減9磅演《金宵2》操控狂阿媽「芬姐」。 2022年,伍姑娘快減9磅演《金宵2》操控狂阿媽「芬姐」。](https://image.hkhl.hk/f/1024p0/0x0/lr/sthl/d3ac7cdc1348ced0d0badeac2a736581/2024-06/38.jpg)
拍完《金宵2》肥唔返
簽約後,英皇唯一要求伍姑娘增磅,原來2022年為《金宵2》演操控狂阿媽「芬姐」,快減9磅後肥唔返。5尺5寸高的她,多年來一直維持103至106磅,「個個都驚我生cancer死,睇醫生係happy problem嚟,根本係食極都唔吸收,檢查過真係冇事。」她認為體質外,自我要求高容易有壓力,亦是唔長肉主因,她試過在內地拍古裝時做測試,「睇住自己上磅,收工可以冇咗2kg(約4磅),我就係體態咁完美嘅女人,真係吹我唔脹,我係易精神緊張,畀咁大壓力自己嘅人,通常都唔肥得去邊,唔長肉。」中醫建議她食白飯增磅,一樣唔成功,「食咗飯大半年都係咁嘅磅數,心態同狀態好緊要,我係強迫症嗰啲人嚟,咁瘦都係冇原因,但唔擔心。」她發現長肉最有效方法是旅行,2月生日去了日本即見效,「最好個個月去一次,我係咪應該轉行做導遊?!」
![伍姑娘近期已放任大食,但始終食極唔肥。 伍姑娘近期已放任大食,但始終食極唔肥。](https://image.hkhl.hk/f/1024p0/0x0/lr/sthl/8792139719accc9fda47a6a9cd183210/2024-06/05_3_0.jpg)
![伍姑娘今年2月到日本旅行兼慶祝生日。 伍姑娘今年2月到日本旅行兼慶祝生日。](https://image.hkhl.hk/f/1024p0/0x0/lr/sthl/1bd07a94ddefda0ec3d048d50e0cec81/2024-06/06_4_0.jpg)
《星島申訴王》推出全新項目「我要讚佢」欄目,現誠邀市民投稿讚揚身邊好人好事,共建更有愛社區。立即「我要讚佢」︰https://bit.ly/3uJ3yyF
想睇更多精彩內容,請立即瀏覽「區區有申訴」活動專頁,https://bit.ly/41hgS9E
《星島頭條》新網站有更多精彩內容:http://www.stheadline.com/