甄澤權花5年鑽研百人魔法嚇親觀眾 同歲半囡囡玩彈出大量創作靈感丨獨家
發佈時間：08:00 2024-06-04
41歲魔術師甄澤權（Louis）憑TVB節目《街頭魔法王》系列成功入屋，Fans年齡層極廣，更不時到世界各地巡演。已是爸爸級的Louis本周五在澳門展開巡演首站，他更事先張揚，會有個靈感來自歲半囡囡Kacy嘅驚喜魔術，全場觀眾都能同時參與，非常好玩。採訪：方騫平 場地：澳門永利皇宮酒店
《THE INFINITY甄澤權世界巡迴魔術之旅》於5年前完成後，Louis除咗湊女外，仲不停創作新魔術，未有鬆懈過。他透露最新嘅《以魔法之名世界巡演》首站喺澳門演出4場，以「MY FAITH」為主題，將家人故事、5年來嘅心路歷程、人生故事等融入表演魔術中。
希望紅館搞尾場
其中上演嘅「百人齊齊玩魔法」最有難度，足足構思咗3年，再度咗兩年時間加無數實測才成功：「我覺得魔術唔止得個睇字，觀眾要有份參與才有投入感，今次唔只得幾個觀眾玩咁簡單，係會有魔法發生，我會變咗啲嘢出嚟喺佢哋身上，畀佢哋帶走返屋企，令佢哋懷疑人生『點解嘅？冇乜理由喎！』其實呢part跟囡囡有關連，有時同佢玩係靈感泉源，會湧現一啲新諗法，不過就用多咗製作費。」除此之外，仲會集合以往每個魔術表演嘅元素，如同上演upgrade版嘅《街頭魔法王》、《魔法伽俐略》及於「匈牙利Joker Magic魔術大賽」奪冠的白鴿魔法等。
女兒Kacy係Louis忠粉。
Louis坦言疫情期間冇得演出令他事業跌落低谷，幸好「鑽研」咗囡囡出嚟，改變了他的人生：「Kacy成日笑好開心，唯一見到我變走佢嘅玩具就會喊。另外，都感激太太Elffi一直默默支持，佢唔介意我收入唔穩定，令我更加冇後悔入錯行，雖然魔術師之路唔易行，但仲頂得住，希望巡演尾場可以搬上紅館，而且澳門成為長做長有嘅舞台基地。」
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
