公開試當真慈善首映丨游學修一向冇Follow吳家忻 許賢稱對方有欣賞的音樂人做歌：唔一定同我哋合作 直言關係不錯見面會打招呼
更新時間：20:45 2024-06-23
發佈時間：20:45 2024-06-23
發佈時間：20:45 2024-06-23
字體大小
游學修、許賢、蘇致豪今日（23日）出席電影《公開試當真》慈善首映禮，張紋嘉與男友、寶珮如等到場支持。游學修和許賢擔任該片監製，許賢更擔演主角以自修生應考DES文憑試，他表示報考中文和經濟，可惜成績比當年考得更差，又憶起當年面對公開試感迷失和痛苦。許賢的媽咪也在電影中出現，表示媽咪最初不贊成他入行，擔心他被人看不起，但他選擇自己想行的路，媽咪態度也軟化了。游學修則覺得考試是惡夢，笑言現時沒必要折磨自己再考。
談到「試當真」社交網取消關注吳家忻（kayan9896），試當真老闆游學修表示他自己社交網只關注幾個人，向來沒關注吳家忻。問彼此關係如何？他說：「冇唔啱。」許賢則說：「佢（吳家忻）有佢想發展嘅音樂事業，大家分道揚鑣，所以之前試當真冇follow佢。佢自己搵欣賞嘅音樂人做歌，唔一定同我哋合作，但我哋關係ok，見面會打招呼。」至於Tyson Yoshi不欲提及吳家忻，許賢笑說：「佢哋未必ok，可能有啲鬧交。我哋三個（與游學修和蘇致豪）都會鬧交，關係修補建立再修補，我諗佢哋喺呢個階段。」
