韓國女團Apink主音鄭恩地今日（30日）在旺角麥花臣場館舉行粉絲見面會尾場，他以白恤衫襯綠色裙現身，大騷長腿。

鄭恩地台上整重口味飯糰見面會尾場講「世一」冧粉絲

更新時間：21:15 2024-06-30
發佈時間：21:15 2024-06-30

韓國女團Apink主音鄭恩地今日（30日）在旺角麥花臣場館舉行《2024 Eunji’s Bookstore》粉絲見面會尾場，鄭恩地以白恤衫襯綠色裙現身，大騷長腿，她先以韓文打招呼：「你哋好，真心好歡迎同多謝你哋嚟到，我就係呢個書房嘅主人、作家同主角鄭恩地，多謝你哋嚟到呢度。今日可以見到演員、歌手同普通人嘅鄭恩地。」而她又嘗試學用廣東話講「鄭恩地」、「講大話」、「世一」及「好好呀」，又不時笑指粉絲「講大話」，但發音經常錯，變成「哦大話」、「無大話」，當有粉絲指自己來第二場時，她即時拿電話看回昨日的合照認fans，非常搞笑。

之後播出她之前在香港開騷唱《那些年》，而鄭恩地也有跟著唱，又用國語與粉絲合唱《如果可以》，她又指作為歌手就會有憂鬱的心情，回想當時做電台，通過電台節目有好多fans傳訊息給她，更學韓文，令她好感動。

鄭恩地又大爆Apink成員之前去佢屋企玩，但她們都不坐梳化坐地下，令她回想以前住宿舍的時候，不過她笑言只有那一天會掛住以前宿舍的生活。到跳舞挑戰環節，測試她是否記得以前的舞蹈，不過當她跳隊友南珠的《Bird》時，她就跳到手忙腳亂，之後更說：「望住跳唔到，自尊心受創。」鄭恩地又在台上為粉絲整飯糰，不過她在男粉絲要求下落了勁多材料，變成重口味飯糰，而事後她在盒上簽名時就搞笑地寫上「附近有醫院」。