陳淑芬月底澳門開騷星光熠熠 4視帝2視后雲集演唱向張國榮致敬

影視圈

更新時間：01:34 2024-07-09
發佈時間：01:34 2024-07-09

日前陳淑芬在其自媒體直播中宣布，將於本月27日在澳門倫敦人綜藝館舉行《星星相識•齊盡興 HAVING FUN TOGETHER 演唱會》，讓大家一起告別《星星相識50年．紀念展》。演唱會表演嘉賓星光熠熠，包括剛獲授勳銅紫荊星章的修哥 (胡楓)、有4位視帝陳豪、馬國明、譚俊彦及陳展鵬；2位視后胡定欣及林夏薇；歌手胡鴻鈞及JW；李思捷及阮兆祥；「中一生」及「中二生」周吉佩、羅啟豪、支嚳儀、譚輝智及顏米羔；「聲夢3小花」姚焯菲、鍾柔美及詹天文、還有新人黃奕斌及洗靖峰齊向已故巨星張國榮（哥哥）致敬。

有份演出的周吉佩說：「對哥哥嘅印象係佢歌、影、視三棲都很出色，最深刻係當然係佢喺舞台上嘅演譯，我好鍾意佢嘅《Monica》和《今生今世》等歌曲，以前睇佢《Monica》 MV時，佢嗰種揮灑自如同舞台感，令我留下好深刻嘅印象，佢係我哋歌手中好神級嘅偶像。」他透露在今次演唱會中已準備好唱快歌，雖然吉吉非首次在澳門做Show，但能和視帝、視后，還有「中年好聲音」的歌手同場演出，大感期待。而譚輝智則表示：「我由細到大都係聽哥哥啲歌大，好鍾意佢，佢係香港傳奇，香港人對佢嘅歌都好熟悉，我鍾意聽慢歌，好似《追》、《今生今世》仲有《風繼續吹》，真係好多好歌，今次我會唱哥哥嘅經典快歌《不羈的風》，我會盡力唱好，希望屆時大家會喜歡。」今次演唱會票價分別為 $1088 / 888 /688 / 388 4種，昨天開始公開發售。