林家謙為張貝芝舉行的《Once in a Blue Moon 》音樂會擔任表演嘉賓

林家謙首次演唱《冷戰》有驚喜與鋼琴家張貝芝四手聯彈顯實力自認麻煩友經常改key

更新時間：22:15 2024-07-12
發佈時間：22:15 2024-07-12

香港鋼琴演奏家、作曲家及編曲家張貝芝（Joyce Cheung）昨晚在香港大會堂音樂廳舉行《Once in a Blue Moon 》音樂會，這個音樂會亦是《本地薑音樂節2024》的壓軸節目。音樂會全晚分為兩部分，第一部分由Joyce聯同13位音樂家一同演釋多首歌曲，而第二部分她則邀請了樂壇中的好朋友衛蘭、岑寧兒、雲浩影及林家謙一同演釋重新編排的流行樂曲，當中林家謙首次選唱王菲的《冷戰》，令觀眾驚喜非常，而岑寧兒、衛蘭及雲浩影的靚聲，在Joyce的絕妙琴聲襯托下更讓現場拍爛手掌。

林家謙今次在Joyce的音樂會上，特別揀選了王菲的《冷戰》演唱，Joyce問家謙：「你需唔需要講吓，點解揀呢隻歌。」家謙答：「吓，唔係我揀，係我哥哥揀。」馬上引來全場大笑。Joyce謂：「咁算啦，不如我講吓我對你第一印象。應該係一個嘅音樂會上，本來你首歌係C major，你就話想變D flat major升一度，我本身彈嘅時候係全部白鍵好開心，但就係咁全部要變黑鍵，OK fine……但試完一輪，你話都係要番C major 。」家謙聽後也忍不住笑道：「吓，咁煩呀？哈哈。我都唔記得呢單嘢。」Joyce續謂：「第二次就係你個紅館show ，你突然就話我想中間嗰個sus chord（掛留和弦）變返做個9音，我係好欣賞你對音樂嘅追求，可以去到呢個位。」家謙即刻謂：「好多謝你睇到我呢一面，好多人睇咗另外一面。」之後兩人合唱兼四手聯彈演繹自己的歌曲《特倫斯夢遊仙境》。