鄭秀文演唱會丨鄭秀文回顧青春奉獻事業眼淚決堤 張敬軒感恩初出道獲Sammi提攜 讚賞自己結實三頭肌:好有型啊
發佈時間:16:17 2024-07-15
![Sammi昨晚(14)在紅館舉行第3場演唱會,邀來張敬軒擔任嘉賓。](https://image.hkhl.hk/f/1024p0/0x0/ll/sthl_square/2dbf0afb88e792587ad9d13f8119a79e/2024-07/sammi_.jpg)
鄭秀文(Sammi)昨晚(14)在紅館舉行第3場《You & Mi 鄭秀文世界巡迴演唱會2023》,開騷前她在後台玩夾盲盒扭蛋,又跟自己新碟《SOUND OF MI》一比一人形紙板布置合照,非常風騷和興奮。歌手鄭融、周勵淇、胡蓓蔚、胡定欣、黃智雯、DJ朱薰,以及電影監製莊澄及邱禮濤導演等昨晚亦有捧場,入場前在後台打卡和抽盲盒,玩得好開心。
昨晚嘉賓是張敬軒,當Sammi介紹軒仔出場時笑說:「我叫佢『阿仔』,但而家啲人叫佢『阿公』。」合唱《笑忘書》後,軒仔輕吻Sammi手背,觀眾尖叫。Sammi對軒仔說:「好多年前你做過我演唱會嘉賓。(係呀!)咁你嗰陣時叫做軒仔,而家就叫做軒公,即係升咗呢,仲要係幾何級咁升添!」軒仔說:「 我唔知呢個名係邊度嚟?起碼要去到阿公嘅年紀先啦!」Sammi揚言之前兩場嘉賓都是比較新一代的歌手,軒仔說:「其實我讀緊書嗰陣都有睇《大頭綠衣鬥殭屍》,而家我開騷,有時啲後輩嚟到,例如噚晚嗰個後輩歌手(林家謙),佢話9歲聽我首《酷愛》!今晚輪到我,山水有相逢。」全場爆笑。
軒仔更指Sammi是他的恩人,他說:「其實唔多歌手會帶我呢啲新人出埠表演,但我好開心,當年我仲係新人嘅時候,Sammi帶我去到馬來西亞做佢演唱會嘅表演嘉賓,我好多謝佢!」Sammi說:「其實一代一代咁樣帶出嚟,你依家都係大人,要帶新人出嚟!」
此外,Sammi在演唱電影主題曲環節時,看見電影片段和全場觀眾大合唱,令她感觸落淚。她說:「好多謝你哋替我高興,唔知係咪人老咗就容易感觸,頭先睇返一啲自己電影嘅歷程,嘩,原來我嘅青春、我嘅少艾、我畢生嘅努力都放咗喺工作裏面,一眨眼就已經過咗三十幾年。好多謝由我蛋白質少女,嚟到今天已經係中年婦人,你哋都仲咁支持我。」然後Sammi唱《萬物有時》淚如雨下,幾乎唱不下去,全場歌迷掌聲和歡呼聲打氣。演唱會尾聲,Sammi換了新裝,唱出舊作《記認》,並走近觀眾席。期間她看到大銀幕的自己兩臂結實三頭肌時,不禁大叫:「嘩,OMG,好有型呀!」