容祖兒主動出撃問Aga攞歌 勁換7個造型遊走香港秘景 世界末日要攬住歌迷一齊死
更新時間:16:45 2024-07-18 HKT
發佈時間:16:45 2024-07-18 HKT
發佈時間:16:45 2024-07-18 HKT
![Joey全新廣東作品《One Last Time》今日上架。](https://image.hkhl.hk/f/1024p0/0x0/ll/sthl_square/d8f19b68b36fc01e99647eb33acc5e78/2024-07/cats591.jpg)
日前一連十二場的《容祖兒Eternity演唱會2024》於澳門新濠影匯綜藝館正式開鑼,演唱會上,祖兒除了透露正密鑼緊鼓籌備全新廣東大碟,又預告接下來的場數會大唱即將推出的新歌,其全新廣東作品《One Last Time》今日(18日)上架。
《One Last Time》由江海迦(Aga)作曲、陳詠謙填詞,祖兒坦言一直都喜歡Aga,所以主動出擊,「佢係一個有才華嘅歌手,擅長創作R&B曲風,音樂觸感無容置疑。自己又有一段時間冇出快歌,就試吓問監製舒文,Aga有冇歌可以俾我,結果收到兩首Demo,好開心最後兩首都用到,其中一首就是《One Last Time》。」歌詞方面,祖兒為陳詠謙設定一個有趣框架,「我要一首大家聽到會不自覺一齊唱,一齊跳嘅歌,用字唔駛好深,要深入淺出咁講出嗰份態度。所以當大家聽到副歌一句『愛你愛我 我對你霸佔一晚 你對我霸佔一世 通通不阻你發揮』自自然然手腳會郁,亦都已經可跟住唱。」
![祖兒坦言一直都喜歡Aga,所以主動出擊問監製舒文,Aga有冇歌可以俾她, 祖兒坦言一直都喜歡Aga,所以主動出擊問監製舒文,Aga有冇歌可以俾她,](https://image.hkhl.hk/f/1024p0/0x0/ll/sthl/c2d7cea383804b91e0f2ae77d96e635f/2024-07/IMG_1549.jpg)
祖兒坦言一直都喜歡Aga,所以主動出擊問監製舒文,Aga有冇歌可以俾她,
![MV中祖兒化身導演,自編自導自演一場世界末日。 MV中祖兒化身導演,自編自導自演一場世界末日。](https://image.hkhl.hk/f/1024p0/0x0/ll/sthl/8773422f89c57ff0e233e9d93583570c/2024-07/IMG_2823.jpg)
MV中祖兒化身導演,自編自導自演一場世界末日。
![兩日的拍攝,祖兒換了七個造型,遊走香港多個場景,包括電車廠等。 兩日的拍攝,祖兒換了七個造型,遊走香港多個場景,包括電車廠等。](https://image.hkhl.hk/f/1024p0/0x0/ll/sthl/665fd5c0ff607b56cec45c32c9131921/2024-07/IMG_3247.jpg)
兩日的拍攝,祖兒換了七個造型,遊走香港多個場景,包括電車廠等。
為了貫徹歌曲中要將面對末日的荒誕態度實踐出來,用自己態度,活出一套末世日常,MV中祖兒化身導演,自編自導自演一場世界末日,從而演繹在末世中嬉戲到底的快樂無際。兩日的拍攝,祖兒換了七個造型,遊走香港多個場景,包括花園街、尖沙咀美麗都大廈、電車廠等,「其實都唔係一啲隱世難搵嘅秘景,相反係大家每日都可能會經過嘅地方,不過只係大家冇嘗試以另一角度欣賞。」
![導演更搭建一個廢墟般的家。 導演更搭建一個廢墟般的家。](https://image.hkhl.hk/f/1024p0/0x0/ll/sthl/801ee248cf857434592f419d5b1f94c5/2024-07/L1008251.jpg)
導演更搭建一個廢墟般的家。
![Joey說如果有世界未日,會開一個最大型嘅狂歡party演唱會,希望同班歌迷狂歡到最後一刻。 Joey說如果有世界未日,會開一個最大型嘅狂歡party演唱會,希望同班歌迷狂歡到最後一刻。](https://image.hkhl.hk/f/1024p0/0x0/ll/sthl/a9911b0ed917b7e9eb26b4706f707f86/2024-07/L1008564.jpg)
Joey說如果有世界未日,會開一個最大型嘅狂歡party演唱會,希望同班歌迷狂歡到最後一刻。
最後,導演更搭建一個廢墟般的家,期間會經歷百年一遇暴雨,又有猛烈的龍捲風,種種災難都比喻世界末日的來臨,但祖兒仍安坐家中,自在地唱投入地跳。問到祖兒如果真的遇到末日,會選擇怎樣過?「我會開一個最大型嘅世界末日狂歡party演唱會,希望同班歌迷狂歡到最後一刻,大家攬住一齊……死,哈哈,就算世界末日都要開開心心咁過!」
最Hit