岑麗香愛在媽媽群組分享美容資訊李靄璣透露預產期8月20日老公林奕匡有機離港工作望BB識做

更新時間：17:15 2024-07-19 HKT
發佈時間：17:15 2024-07-19 HKT

岑麗香與懷孕36週的林奕匡太太李靄璣（Rikko）今日（19日）到銅鑼灣出席美容活動，香香笑指湊仔返學時最開心是識到很多「媽媽」朋友，又透露自己在媽媽群組中負責皮膚護理及美容部份，會將所有資料跟大家分享，問到老公是否覺得她保養得很好？她笑說：「佢冇得話唔滿意，每次做完Facial返屋企第一時間就搵佢問完唔完美，佢通常都會答Yes。」至於見到Rikko是否會回想自己以前陀B時，香香說：「好開心可以祝福佢，大肚婆要好好珍惜呢個特別嘅過程，（使唔使祝福你？）未使，順其自然，呢一刻唔使住。」

至於Rikko透露預產期是8月20日，今日也是產前最後一個公開活動，她指現時心情頗緊張，昨晚也睡不好搞到手指麻痹，問到老公林奕匡是否有幫她按摩？她指有：「有時出街之後隻腳腫，佢都有買啲按摩油幫我按。」Rikko表示今次想順產，但需要做克服痛楚的練習，例如自我催眠、運動及擘腿動作等，而產後亦會餵人奶，不過就要看狀況，至於老公到時是否會陪入產房？她說：「會入，但有機會預產期前一個禮拜佢會離開香港做嘢，（會唔會嬲佢？）唔會，做嘢，不過都有少少擔心，睇吓BB識唔識做。」

↓立即下載星島頭條App↓