Ian演唱會丨大騷麒麟臂兼胸肌 自認似鯨魚很易被孤立 吳林峰讚外表cool內心好溫暖
發佈時間：15:15 2024-07-20
MIRROR成員lan陳卓賢舉行首個個人演唱會《IAN CHAN“TEARS” IN MY SIGHT SOLO CONCERT 2024》，於昨晚（19日）在亞洲國際博覽館開鑼。Ian獻唱《Thank you Postman》時，舞蹈員向台下觀眾派發信，引來觀眾紛紛舉手示意索取。唱罷後，Ian搞笑謂：「唔使擔心，唔係情信，寫咩唔話你知！真係我親手寫，新鮮滾熱辣架！」
Ian自嘲不多朋友，更形容自己跟52-hertz鯨魚相似，這種鯨魚只收到某些音頻，會感覺自己被孤立，又自言不懂社交，曾考慮演唱是否可需邀請嘉賓，最後也決定請嘉賓，但今次請來音樂上未曾合作過的歌手，反而打籃球合作過，隨即介紹吳林峰出場。吳林峰笑謂Ian出歌也跟女友分享，當知道開騷想買飛支持，但女友話不如問下有無飛先，後來獲邀任嘉賓就告知女友不用買飛，即引得觀眾大笑。吳林峰大讚Ian外表感覺好Cool，但內心好溫暖，做事亦好執著，不會讓自己舒服，就算打藍球也一樣。吳林峰笑謂：「嚟緊仲有六場，對自己好啲！」其後他送上一部菲林相機給Ian，還即場影合照。吳林峰指送上菲林相機想Ian放鬆一下，又形容對方似部相機。他說：「菲林相機某程度幾麻煩，要準備菲林、搵時間曬相、較光圈，又未必次次影到，但一個好好嘅好處會令你靜落嚟！透個Focus睇個世界。我知道你係唔會放過自己嘅人，但仲有六晚時間，我知你準備好多送畀每位入場觀眾，希望呢個騷同樣地是送畀你自己嘅禮物，希望你每一晚慢落嚟！好Enjoy個騷每個畫面。」
Ian穿著皮外套唱《夜視鏡》後，更除下外套只著黑色背心，大騷麒麟臂及胸肌，隨即跳唱團歌《Sheesh》，令在場粉絲瘋狂尖叫。演唱會尾聲，Ian獻唱陳柏宇歌曲《沒有你，我甚麼都不是》後，表示家人也有入場欣賞，家姐更特登飛返來，並叫觀眾畀掌聲他的家人。最後他唱出《正式開始》為個唱完美結束。
