林寶玉無懼陰影開公司延展經理人路揭被薛影儀粗口短訊騷擾丨獨家

更新時間：08:00 2024-07-24
發佈時間：08:00 2024-07-24

「索爆經理人」林寶玉離開舊東家10個月，事業走得更遠，除營運美容事業外，仲踩入KOL界出外拍vlog、出席品牌活動等。最近她更開埋經理人公司，運用經理人強項為素人包裝及推廣，因此，都多謝前度藝人薛影儀帶給她經驗，有能力朝向金牌經理人夢想進發。採訪：方騫平

近日林寶玉再榮升經理人公司老闆，以project形式打造藝人及KOL，甚至有來自美容、IT、服裝及地產界素人，希望她能幫到他們在社交平台上有更多人認識。剛起步嘅寶玉手上已有超過6個客戶，反應唔錯，包括2019年度亞姐康沂。

望大家能互相尊重

問到會否簽返阿儀時？林寶玉即笑住說：「唔會啦，但世事冇絕對嘅，見到佢有咁多朋友照顧，都安心喇。」據知，不受控制嘅阿儀，每隔幾日就會傳訊息臭罵寶玉，還會傳埋爆粗短訊畀寶玉朋友。記者向寶玉求證時，她坦言近1年不停受到阿儀擾騷，內容都係阿儀嗰啲style，爆粗、人生攻擊之類：「我盡量唔睇，費事影響心情，既然控制唔到嘅嘢惟有去接受，直至身邊朋友係咁轉掟阿儀嘅訊息過嚟，月前嚴肅地回阿儀『希望大家言行能互相尊重，祝生活愉快、友誼永固』雖然佢唔會理會，但我經已強烈向佢表達咗立場。」

問到可會報警處理？寶玉大方表示唔追究：「算啦，可能佢仲係細路女，好少接觸到社會，唔好怪佢，惟望佢啲朋友幫佢接多啲job分散精神，同埋呼籲身邊朋友收到阿儀鬧我嘅短訊，唔使再轉掟畀我睇。」林寶玉唔會埋怨孭過阿儀「包袱」，她反而感恩有呢個經歷，令她變身「拆彈專家」，有本事為藝人及素人作戰