呂爵安承認與林明禎私下有聯絡歐洲約食飯 否認戀情怕被大馬台灣一齊打 被MIRROR兄弟睇死不服氣 : 再挑釁就證明畀你哋睇 !
發佈時間：15:45 2024-08-02
MIRROR成員呂爵安（Edan）今日（2日）以彩妝大使身份出席活動，吸引大批「爵屎」（粉絲專稱）圍觀。Edan表示為該品牌拍攝廣告，以滑浪造型示人，不過有著上衣，隨即粉絲噓聲四起，Edan即補充笑指會著短褲，一班粉絲又依嘩鬼叫。 當接受訪問時，Edan笑言自己不懂滑浪，只是拿住滑板拍廣告，亦毋需騷肌，並笑謂大家太膚淺。Edan早前參演以「紙盒藏屍案」作為藍本的電影，他表示自己的戲份已完成，密集式拍攝了幾個星期，雖然戲份不是很多，不過演出的角色好重要，但今次拍攝好深刻有好大突破同挑戰性，從未試過演這類電影，因為該片橫跨三個年代，而且有動作戲。談到是否演繹歐陽炳強一角，Edan即時否認，只是演繹一個關鍵人物。問到是否跟梁洛施有對手戲，他表示沒有，反而跟吳冰多對手戲，不過對於動作戲及出海戲則大賣關子，又解釋由於橫跨三個年代，所以特別有個長髮造型。談到任達華曾經演繹電影角色，問到可有壓力？他表示無想這方面，團隊好認真工作，跟很多前輩合作，教導他很多，當初也擔心自己駕馭不到角色，但監製翁子光、導演也收貨，希望出來效果有驚喜。
對於與「大馬女神」林明禎傳出緋聞，問到是否要祝賀他？他笑說：「呢排好多人恭喜同祝賀我，話我好叻仔！搞到我以為係奧運選手為港爭光。不過人哋係女仔，牽連到人哋唔好，連GiGi（梁詠琪）都要回應，所以要澄清無拍拖、無歐遊，不過我有去歐洲工作，明禎咁啱喺歐洲，約過對方食飯，咁樣被人誤會。」Edan說二人在朋友聚會上認識，承認私下有聯絡，亦有傳短訊給對方講聲不好意思。問到他可接受姊弟戀？他說：「無話姐姐、妹妹！拍拖最緊要適合。（林明禎是否你杯茶？）佢梗係女神，我無特定擇偶條件。我好欣賞佢，有睇佢嘅作品。（可有機會發展？）唔敢諗！我驚被人打，大馬、台灣一齊打，依家我專心工作先。」談到一班MIRROR兄弟不相信他跟林明禎拍拖，Edan搞笑謂：「好嬲嘅！唔明點解大家唔信，你哋再挑釁我呢，我就證明畀你哋睇。（女神難追？）當然啦！明嘅，大家都覺得無可能。（你覺得有無可能？）乜都有可能。（不如順理成章追求？）唔好搞咁多嘢，專心工作，隨緣啦！得咗話你知。」。講到Frankie女友Christy在社交網以千字文反擊黑歷史，指男友有幫手設局捉鬼，但有網民認為事件變淡不應重提事件。Edan說：「佢哋係經過深思熟慮先至咁做，我都係睇報紙先知，唔評論太多，最緊要佢哋舒服同知道出嚟有乜影響，無對與錯。」
