鄭嘉穎唔怕「嘥時間」攜眷出席王心慰榮休宴跟「鐵馬家族」唐詩詠保持距離耐人尋味

更新時間：02:16 2024-08-03
發佈時間：02:16 2024-08-03

TVB監製王心慰(Amy姐)昨晚（2日）在將軍澳舉行榮休晚宴，筵開10席，一眾合作無間的台前幕後包括TVB高層曾勵珍、姜大衛、譚凱琪、賴慰玲、莊思明、楊明及前TVB藝人唐詩詠、邵美琪、馬德鐘、方中信等到賀，星光熠熠。鄭嘉穎曾講明「唔同階段做唔同嘅嘢，有啲嘢係要取捨」，近年以「浪費時間」屢次缺席「鐵馬家族」聚會，甚至家族成員馬國明婚禮一樣冇現身，但昨晚嘉穎竟然畀足面Amy姐攜眷陳凱琳出席，當晚鄭嘉穎雖然和「鐵馬家族」另一位成員唐詩詠同台，卻隔住方中信，連大合照都各據一方，冇再攬頭攬頸，關係耐人尋味。

多得被Amy提拔做「女二」

已離巢TVB的唐詩詠與王心慰一直有合作，回想與她相識的日子，笑言很多謝她，因為自己入行後多做配角，第一個找她做第二女主角的正是王心慰，「我做咗咁多年配角，終於喺《最美麗的第七天》做女二，又跟黃宗澤合作，真係好開心，幸運能遇上佢。佢係一個很好嘅人，從未見過佢發脾氣，就算我做得唔好，佢都係望一望我，同我講下次唔好，唔捨得佢退休，佢有講過很為我寫一部劇，佢好擅長寫女人戲，不過都希望佢開心，而家好似冇再創作，但可以做自己喜歡做嘅事，好好享受生活都係一件開心事。」談及與TVB舊同事再見面，她表示很開心，笑指與他們有時都會私下見面，但有些舊同事的確很久沒見，這晚可與大家聚舊很開心，並謂現時主要忙主持工作，指自己入行後首先是做主持，只是之後專注拍劇，現在想重拾主持工作多嘗試，將來遇到想訪問的人都會有訪問技巧。

↓立即下載星島頭條App↓