馮素波80大壽與三公主聚頭High到爆 公開沈芝華傳授皮光肉滑扮靚秘訣
更新時間：03:17 2024-08-08 HKT
發佈時間：03:17 2024-08-08 HKT
發佈時間：03:17 2024-08-08 HKT
字體大小
「七公主」大家姐馮素波（波姐）昨日慶祝80大壽，除一班圈中好友歐陽震華、陶大宇、商天娥、安德尊、鄧英敏等道賀外，「七公主」薛家燕、陳寶珠、沈芝華齊合體，古天樂向來敬重波姐及支持演藝界，波姐壽宴都有請古仔，但古老闆無瑕出席，交由古媽媽和佘詩曼媽媽及吳君如媽媽結伴前來，現場相當熱鬧。波姐兒子和媳婦專程由英國回港為媽媽賀壽，仲送上香水和200多包茶葉做生日禮物；波姐妹妹馮素雲及弟弟馮克安一家也到場，可惜黃日華因病缺席；而郭晉安則在清遠拍戲來不到。另有6個契仔和一個契女，趁生日宴與波姐進行上契儀式，她希望契仔契女事業有成、大紅大紫。
現場預備咗8個生日蛋糕分別寫上「齊齊整整，開開心心」，正係波姐生日願望。「七公主」成員陳寶珠、薛家燕、沈芝華一齊祝大家姐生日快樂，愈大愈靚，愈來愈紅、身體健康，沈芝華更應波姐要求用上海話祝波姐「生日快樂，身體健康！」波姐更透露80歲扮靚秘訣：係沈芝華教她要搵雞蛋白敷面！
現場預備咗8個生日蛋糕分別寫上「齊齊整整，開開心心」。
陶大宇、歐陽震華、薛家燕、陳寶珠聚頭。
陶大宇、商天娥、薛家燕、陳寶珠、沈芝華係席上客。
馮素波、薛家燕、陳寶珠、馮素波、沈芝華、陳善之。
陶大宇及歐陽震華分別上台唱歌助慶，歐陽震華高唱《上海灘》；大宇則獻唱飲歌《倒轉地球》，他勁歌熱舞，壽星婆婆更High爆上台扭身狂舞做「水撥」手，帶動全場觀眾，尖叫拍手喝采。
陶大宇為波姐高歌助慶。
馮素波、歐陽震華演過兩母子。
商天娥好錫波姐。
家燕請食飯賀「七公主」60周年
波姐透露將在11月2及3日舉行兩場慈善演唱會，頭場唱粵曲，提到「七公主」邁向60周年，問到可有慶祝活動？薛家燕話，本來打算請大家去旅行：「不過佢哋都話好攰，咁就一齊食餐飯，我哋感情常在無所不談。」又馮素波曾飾演過歐陽震華媽媽，他爆波姐係認識咁多長輩當中最遲睡覺的一個，仲預約咗月尾會上波姐網上節目。
陶大宇、歐陽震華及商天娥和波姐曾結片緣。
一班老友嚟慶生。
開心壽宴。
最Hit
