黃建東母子檔拍廚餘攪拌機廣告 包辦幕後創作兼寫廣告歌望殺出財路
更新時間：06:00 2024-08-10 HKT
發佈時間：06:00 2024-08-10 HKT
發佈時間：06:00 2024-08-10 HKT
字體大小
黃建東（東東）同媽咪黃葉慧茵（Diane）合作觀眾受歡迎，近日廣告商邀請他們母子檔再度合作，為廚餘攪拌機拍廣告，為增強家庭感，東東還要升呢做老竇，「有咁大個仔，我又啱啱43歲生日，想唔認係中年唔得嘞！哈哈！」
東東笑言「未試過有咁大個仔」，感覺好新鮮。
「一家人」又唱又跳廚餘攪拌歌。
東東向來鍾意搞創作又有諗頭，今次還有機會包辦監製、創作、導演及創作廣告歌曲。東東開心創意得到客戶欣賞，「上次一人包辦整個廣告就係《平安郁》，客戶好喜歡我寫嘅廣告歌，好高興今次再邀請我為佢哋創作同導演呢個廣告，仲特別創作咗首廚餘攪拌歌。」創作廣告期間，正值6月他忙於籌備《福祿壽訓練學院》的決賽演出，壓力特別大，「趕住籌備廣告拍攝，又要幫《福祿壽》度橋，差啲搞到精神分裂。」其實自《平安郁》後，一直有不少客戶邀請東東創作廣告，他亦希望長接長有，「我好享受度橋拍廣告，成日都有好多靈感，嚟緊希望擺多啲時間去度橋同埋寫廣告歌，希望幕前幕後雙線發展。」
東東由《福祿壽》比賽至今共瘦了30磅，廣告造型瀟洒得多。
東東同媽咪合作無間，母子檔已非常有默契。
東東在現場既要做幕前，又要兼顧幕後工作。
最Hit
黃大仙老店英都燒味廚房3.13結業！老闆原來係TVB綠葉王？來頭勁猛料！仲係老牌茶樓太子爺
2025-03-07 12:48 HKT
易賞錢 x 樂悠咭優惠｜百佳/屈臣氏門市拍卡即送麥片/紙巾！兼享李錦記/泰國米/羊奶粉6折
2025-03-06 16:35 HKT
坤記糕品回歸！米芝蓮推介60年深水埗老字號 轉戰尖沙咀星光大道!? 續賣$15砵仔糕/芝麻糕/白糖糕
2025-03-07 15:33 HKT
