同居少女諸事卜丨阿Dee否認餐廳找人頂手:搞緊租約續租 193咖啡店搬舖生意更好雲浩影慘遭嫌棄因太靚唱歌又好聽

影視圈

更新時間：21:15 2024-08-13
發佈時間：21:15 2024-08-13

雲浩影（Cloud）、ERROR成員郭嘉駿（193）、何啟華（阿Dee）等出席Viu原創劇《同居少女諸事卜》試映會，對於有傳阿Dee與MIRROR王智德（Alton）、楊樂文（Lokman）有份投資的泰國餐廳找人頂手，阿Dee說：「唔係！我哋係搞緊租約續租。（生意唔好？）唔係，係場地問題，想解決場地問題，唔係加租。（有無蝕錢？）呢啲唔講啦！（繼續做下去？）會嘅！由始至終我哋嘅理念想搞餐廳，亦都平民化、好低檔價錢，喺旺區享受午餐、晚餐，呢個係我哋搞生意諗法，賺錢就唔開呢個價啦！」而開設咖啡店的193，坦言曾找人頂手，原本在土瓜灣開設，因為想找更旺的地區，只是當時無人報導，現在於尖沙咀開店生意幾好。

雲浩影在戲中周旋於阿Dee和193，談到現實中如何揀選？她笑言兩者也不選擇，因遭兩人嫌棄，加上太老友，若然選擇其一，是但一方也會不開心。Dee和193均表示嫌棄雲浩影太靚又唱歌好聽，而且識演戲，但現實中他們未試過兩男爭一女，又認為大家喜歡類型女生也不同，不過大讚雲浩影是心目中的女神。談到與193和Dee合作，雲浩影表示有場戲兩男爭一女，但兩人即場爆肚，搞到她忍笑又NG。